atzo hil zen Antonio Erdozia Iribarren Patas, Hernaniko kurandero ezaguna, 87 urte zituela. Hernanin eta inguruetan ezaguna zen Patas, makina bat infekzio eta zauri sendatutakoa zelako, bere ukenduei esker. Atzo esan zigun agur, urteetan Portun bizi izan zen hernaniarrak.
Familiako ofizioa Martindegiko Juan Antonenea baserrian jaio zen Erdozia, eta Portun bizitu zen oraintxe arte. Aitarekin ikasi zuen kurandero ofizioa; 14 urterekin, aitarekin batera eta bestera hasi zen, ikasten, eta gero, pixkanaka, berak hartu zuen aitaren lekua. Infekzioak eta zauriak sendatzen zituen Patasek, eta bere ukenduek sona haundia zuten, Hernanin eta inguruetan. Kristal irinduarekin egindako enplastoak erabiltzen zituen sendatzeko, ura eta ogi mamiarekin nahastuta. Horrez gain, ukenduak ere prestatzen zituen, kasu bakoitzerako gai egokienak aukeratuta. 87 urterekin eman digu azken agurra.