Kostata, baina irabazi

Dexente kostatako finala irabazi zuten atzo Jon Leonet eta Oier Garcia pelotari hernaniarrek. Udaberri Torneo­ko finala jokatu zuten Setien eta Otaegi Andoaingo Gazte­leku taldeko bikotearen aur­ka eta 22-16 irabazi eta gero, bigarren mailako txapeldun dira jubeniletan.
Nerbioek eraginda, partiduan sartzea kosta zitzaiola azaldu dio Oier Garcia atzelariak Hernaniko Kronikari, baina partidu erditik aurrera lasaiago eta hobeto aritu zela. Eta hori nabaritu zen. Her­naniarrak galtzen hasi ziren eta 13garren tantora arte atzetik ibili ziren. Baina 13na berdindu zutenean, gehiago zirela erakutsi zioten Andoaingo bikoteari eta  partiduari buelta ematea lortu zuten. Az­ke­nean, kostata, baina 22-16 irabazi zuten. Jon Leonet aurrelaria fin aritu zen partidu osoan. Udaberri Torneoa Leo­ne­­tek eta Garciak irabazi du­ten lehenengo txapelketa da.

Lehenengo mailan,
hirutik bi bikote finalera
Joan berri den asteburuan, atzo­ko finalaz gain, hiru semifinal jokatu dituzte pe­lo­tari hernaniarrek Udaberri Torneoa­ren barruan. Hiru­rak lehenengo mailakoak izan dira eta hi­rutik bi bikotek lortu dute finalera pasatzea. Alde batetik, Iña­ki Esnal eta Ioritz San Sebastian dira finalistak, seniorretan, Arri­bi­llaga eta Arrizabalagari sekulako egurra emanda. 22-3 irabazi zieten. Bestetik, Eneko Lujanbio eta Aritz Murgiondo pasa dira finalera, jubeniletan, Txurruka eta Lantzi ere erraz irabazita: 22-6. Julen Etxe­nike eta Jon Etxegoienek ez zuten lortu finalera pasatzea, jubeniletan. 9-22 galdu zuten Azketa eta Atxaren aurka.

Hernaniko
paletariak txukun,
Gipuzkoako Txapelketan
Hernaniko paletariak  Gi­puz­­koako Txapelketa ari di­ra jokatzen trinketean eta emaitza txukunak lortu di­tuzte asteburuan: jubeniletan, Irazus­tabarrena-Ugal­dek 30-29 irabazi zuten Loiola-Moronen aurka; eta Aierbe-Semper eta Goikoe­txea-Pagolak 26-30 egin zu­ten. Seniorretan, bigarren mailan, Tijero-Gutierrezek 30-27 irabazi zuten Redon­do-Etxaberen aurka eta lehenego mailan, Perez-Mancisi­dorrek 17-30 galdu zuten Garmendia-Mendizabalen aurka.