Gernika haundiarekin, Hernanik ezin

Gernikak Ohorezko A mailan jokatzen du eta hori agerian geratu zen atzo Landaren. Her­nanik eta Gernikak Errege Ko­pako finalzortzirenetako par­­ti­dua jokatu zuten atzokoan, par­tidu bakarrera, eta Herna­nik gauzak erraztu ez bazizkion ere, Gernikak argi utzi zu­en beste maila bat duela. Emai­tza honakoa: Her­nani 19-Ger­ni­­ka 41. Hori ho­rrela, Hernani Erre­ge Kopatik kanpo geratu da.
Denboraldia eta Errege Ko­pa bukatuta, Euskadiko kopak izango ditu Hernanik jokatzeko orain, baina dagoeneko da­torren denboraldiari begira da­go. Aurtengoa trantsizio be­zala hartu du taldeak, lesionatutako bajak tarteko, hasiera kax­karra izan zuelako eta horri buelta ematea kosta egin zi­tzaio­lako. Baina baja horiek ju­benil eta bigarren taldeko jokalariei jo­katzeko aukera ere eman die eta denboraldi amaiera txukuna eginda, datorren ur­tea ona izango dela espero dute.