Asteartean hil zen Joxe Alkorta Aranburu hernaniarra, 73 urte zituela. Ebanista ezaguna zen Alkorta Hernanin. Urte askotan Hernanin lan egin eta gero, azken urteak Brasilen pasa ditu Alkortak, Rio de Janeiron, eta han sortu zuen eskola bat, behartsuenei laguntzeko. CCPL fabelan tailer-eskola sortu zuen Alkortak, eta han eman ditu azken urteak, bertako haurrei eta behar haundiena zutenei ofizioa erakutsiz, eta bizitzarako irtenbide bat bilatzen lagunduz.