ELKANO eta Urbieta kaleko bide gurutzean, Atsegindegin, oinezkoek izango dute lehentasuna, hemendik aurrera. Horretarako, ‘isleta’ moduko bat egingo dute erdi-erdian, eta altxa egingo dute lurra, espaloiaren altura berean utzi arte. Kotxeek edo ibilgailuek frenatu egin beharko dute, koxka bat izango dutelako.
Urbieta kalea itxita
Taxiak eta bizikletak ibili ahal izango dira Urbieta kalean, Izpizuatik Biteri kalera bitartean (geroago, peatonalizatzeko obrak egin litezke). Autobus geltokiak aldatu egingo dira: hemendik aurrera, kiroldegiko frontoi parean, Elkano kalean (Biteri aldetik), eta Txirrita kalean izango dira.