Iñaki Imaz - Nagusia: «Bezero fidelak ditu Urratsek; horri esker egin ditu 25 urte, eta egingo ditu gehiago»

«Genero asko izan dugu beti, eta genero ona. Oine­ta­koa asko aldatu dugu; saldu ahala, ekarri. Bezero fidelak, leialak ditu Urratsek gaur egun, eta horiei eskerrak au­rre­ra segitzeko moduan ga­ra». Gaur egun, jende heldua  sartzen da gehien Urratsera, Iñaki Imaz nagusiak dioenez. Erosteko ohiturak asko alda­tu dira, eta gazteek kanpora joan nahiago omen dute, han aukera haundiagoa dauka­te­lako. «Guk ezin dugu pre­zioan konpetitu, eta barieta­tean ere ez. Baina eskaini de­za­kegu aukera txukun eta on bat, eta etxetik gertu. Gure bezeroak badaki, Urratsetik, gutxi edo gehiago, berak nahi duenarekin aterako dela».

Esperientziaz hitz egiten du Iñaki Imazek, merkatua ondo ezagutzen duen denda­riak bezala. Eta ez da gutxia­go­rako, 25 urte baitaramazki oinetakoak saltzen, Urrats dendan. 1986an ireki zuen. Tornuan aritzen zen or­dura arte, eta lanik gabe ge­ratu zenean, denda ireki­tzea pen­tsatu zuen. «Ez zen era­ba­ki erraza izan. Mundu berria zen niretzat, eta inork ez zidan gomendatzen. -Moteil, moteil, ireki zak taberna bat! Esaten zidaten. Eta ez zuten arrazoi faltarik. Mun­du zaila da hau; oso zaila. Ne­ro­nek ere ez nio­ke inori go­mendatuko orain. Hasi ginen behintzat, eta ika­si genuen pixkanaka».

Zailena, generoa erostea da dendari batentzat. «Sei hilabete lehenago erosi behar duzu genero guztia, eta %100 asmatzea ezinezkoa da. Ne­gu­ko kanpaina bukatu, eta  da­torren negukoa erosi be­har. Joaten zara oinetakoak begi­ra­tzera, eta zer ikusirik ez dute pasa berri den kan­pai­na­­­koe­kin; dena diferentea! Asmatu eza­zu ba, jendeak zer nahiko duen 6 hilabete beran­duago! %30-40 faila­tzen da beti». Eta genero hori stock-ean geratzen da. Hori da dendarien bu­ru­hausterik haun­dienetakoa. «Genero ho­rrek lekua oku­pa­tzen du, eta oso zaila da ateratzea. Behe­rapenak, stock azokak... hor saltzen da zer­bait, baina asko ez. Horre­gatik, azken urteetan guk Saharara bidali dugu asko. Gutxienez, fabore bat egiten ari zara norbaiti».

Gutxiago saltzen da orain, garai batean baino. «Askoz gu­­txiago. Kontua da, erosi ere gutxiago egiten dugula. Arris­ku gutxiago hartzen dugu, eta  seguru salduko duguna ekar­tzen dugu, batez ere».      
Klase guztietako oine­ta­koak saltzen ditu Urratsek. «Dene­tik dau­ka­gu, eta aukera zabal xama­rra. Jen­deari kon­fidantza ema­ten dio­gu, eta ho­rretan Pellok ere se­kulako ga­rrantzia izan du. Pe­llok 24 urte daramazki nere­kin la­nean, eta oso den­dari ona da. Asko balio du. Be­ze­roa tra­­­ta­tzen badaki, eta ezin­bes­teko la­guna izan da negozio ho­netan».

Hernaniko dendariek el­ka­rrekin tratu oso ona dutela dio Imazek, eta hori ezin­bes­tekoa dela, herriko komer­tzioak au­rre­ra egiteko. «Kon­pe­ten­tzia­re­kin tratu ona dau­ka­gu. Pro­duk­tu bera izanez gero, prezio berean jartzen ditugu, elka­rre­kin hitz egin... horrek horrela behar du, gurea bezalako herri ba­tean, dendari txikiek aurrera egiteko. Guk behintzat segiko diogu pixka batean».