Emakumea Pilotari proiektuari saria

Joan den igandean Donostiako Lilatoia izan zen eta bertan, Emakumea Pilotari proiektua saritu zuten. Emakumea Pilotari, Gipuzkoako Euskal Pilota Federazioak 2004an abian jarritako egitasmoa da, emakumeek pilota munduan duten parte hartzea bultzatzeko asmoz. Argazkian ikusi daitekeen bezala, tartean daude hernaniar mordoa. Horiez gain, Txikita de Aizarna raketista profesionala azaltzen da argazkian. Honi, orain dela 30 urtera arte eta 20 urtez Madrilen raketista profesionala izateagatik egin zioten omenaldia.