Bost aktore langabetu kabaretean, gaur Biterin

Badator Korrika 17, euskeraren aldeko jai erraldoia eta berau girotzeko, hastear da Korrika Kulturala Hernanin. Hain zuzen, lehenengo ekitaldia gaur bertan izango da: Sekula bai! kabaretan. Bertan bilduko dira musika, dantza, antzerkia eta zinea, guztia umore dosiz jantzita.
Itziar Lazkanoren zuzendaritzapean, Galder Perez, Eduar­­do Gabina, Lander Otao­la, Mikel Losada eta Loli As­toreka aktore ezagunak komedia lanetan ikusteko aukera izango da. Koreo­grafiaz Maita­ne Zaldue­gi arduratu da. Di­bertitzea hel­buru duen obra honetako protagonistak langabezian dau­­den bost aktore dira, komendiante moduan han eta hemen dabiltzanak. Emanal­dia 20:00etan izango da Bite­rin. Sarrerak or­dubete lehenago jarriko dira salgai, 5 euroan.

Bertso-pelota, Astigarragan
Astigarragak ere gaur ekingo dio Korrika Kulturalari eta bertsoa eta pelota uztartuko dituen ekitaldia izango da, frontoian, 19:30etatik aurrera. Herriko eta Anti­guoko bina pelotari elkarren aurka ariko dira eta Agin Rezola eta Aitor Mendiluze bertsolariak botilero lanetan.