Gazarako Bidean ekimenaren barruan, bideo emanaldia eta hitzaldia izango dira gaur, 19:30etan Biterin, Kooperazio Taldeak antolatuta. Askatasunaren Flotillari buruzko azalpenak emango dituzte bai bideoan bai hitzaldian. Bertan izango dira Manuel Tapial eta Laura Arau, Askatasunaren Flotillako ekintzaileak eta Gazarako Bidean ekimenaren bultzatzaileak. Askatasunaren Flotillako ekintzaileak, Israelek Gazan ezarritako blokeoa hausten ahalegindu ziren eta Israelek erasotu egin zituen, 9 hildako eraginez.
Blokeoa hausteko asmoa
Gazarako Bidean ekimenaren bidez, blokeo hori hausteko asmoa dago berriz eta 2 itsasontzi eraman nahi dira Gazara. Horietako bat kargaontzi bat izango litzateke eta 2.000 tona laguntza humanitario garraiatuko lituzke. Laguntza ekonomikoa eman nahi duenarentzat kontu korronte bat ere badago: 3035 0395 16 3950002133.