martxoaren 22tik aurrera Donostiatik Andoaineraino joateko aukera izango da Urumeako autobian barrena. Egun horretan irekiko dute azken zatia, falta dena, Andoainera iristen dena. Hortaz, autobiak dituen 14 kilometroak zabalik egongo dira, Donostiako Amara auzotik hasi, eta Loiola, Martutene, Astigarraga, Hernani, Urnieta eta Andoaineraino.
Hernaniko bikoizte lanak, bukatzeko falta dena
Autobia bere osotasunean zabalik izango den arren, bukatzeko, Hernaniko bikoizte lanak falta dira. Egungo bi karrilak laura pasako dituzte, norabide bakoitzean bi karril egon daitezen. Obrak urtarrilean hasi ziren eta 2013rako bukatzea espero dute. Obra horien ondorioz, hain zuzen, autobiako karriletako bat itxita egongo da gaur gauean. Hala ere, ibilgailuak joan-etorrian ibiliko dira, semaforoak arautuko baitu momentuko norabidea.