Aste Santurako martxan, trafikoaren antolaketa berria

HERNANIKO trafikoaren an­tolaketa aldatu egingo da Aste Santuan, eta hain justu, hori azaldu zuten atzo Marian Beitialarran­goi­tia Alkateak eta Unai Erroizenea Zerbitzu Publi­koetako zinegotziak. Aur­­­­­­kez­penaren hasieran azal­du zutenez, aldaketen hel­burua da herritarren bizi kalitatea ho­be­tzea eta mu­gikortasun eredua iraun­korra izatea. Erroizeneak azaldu zue­nez, mugikortasuna iraun­korra izatearen funtsa da, per­t­sonek egin behar dituzten joan etorriak ahalik eta atseginen eta erosoen egitea, «baina beti ere in­gurumena errespetatuz». Hori gauza­tzeko, Udalak Her­naniko Mugikortasun Plana erre­daktatu zuen 2009an, eta 2010eko otsai­lean eta martxoan herrita­rrei azaldu zieten. Al­ka­teak azaldu zuenez, par­tikular, alderdi eta elkarteen ar­tean 6 alegazio jarri ziren or­duan. Ondoren, Arau Sub­si­dia­rioen barruan ere, ikusgai izan da Mugi­kor­tasun Plana, eta baita alegazioak egiteko aukera ere. Kasu honetan, Al­ka­teak azal­du zuenez, 19 ale­gazio jarri ziren, aurreko seiak barne. Alegazioak az­tertu eta kon­pon­du ostean, do­kumen­tua zuzendu eta 2010­ean entregatu zuten behin betikoa.

Egingo diren aldaketak, Mugikortasun Planaren helburu orokorrekin bat
Erroizeneak adierazi zuen, Aste Santuan Hernanin egin­go diren aldaketek, Mu­gikortasun Planaren hel­buru orokorrei eran­tzun­go dietela: «oinezkoak, txirrindulariak eta garraio publikoa sustatu nahi ditugu. Trafikoa Kaxkotik atera nahi dugu eta herri guneko kalitatea hobetu na­hi dugu. Baita ere esan, espazio publikoa oinez­koari itzuli nahi diogula». Hain zuzen, aipatutako helburu horiek martxan jartzeko egingo dituela Udalak aldaketak azaldu zuten atzokoan.

Hiru lan egitea, beharrezkoa
Alkateak azaldu zuenez, ai­patutako aldaketak egite­ko, hiru lan egitea beha­rrezkoa da: Floridako trenbidearen azpian errepidea egitea, Txantxillako errotonda erai­ki­tzea, eta hori herriarekin lotuko duen erre­pide berria eraikitzea: «lehe­nengo lana egin gabe badago ere, beste bi lanekin ia helburu guztiak bete daitezke, eta orain arte sortu diren hainbat arazori konponbidea emango zaie: batetik bestera joateko herri­gunea saihestuko da, Zin­koeneako trafikoa mu­rriztuko da, gune histori­koan apar­kaleku bereziak jarriko dira, eta Latsunbe eta Antziola au­zoetan ingu­rumen kalitatea hobetuko da». Alkateak azal­du zue­nez, helburu horiek be­tetzeko zirkulazio sisteman hainbat aldaketa egitea beha­rrezkoa da, besteak beste, ondorengoak: Elkano (Atse­gindegira arte), Txirrita eta Flo­rida kalea, norabide ba­karrean, jaitsi egingo dira; Aris­tizabal, Iturregi, Antziola eta Izpizua kaleak, norabide bakarrean baita ere, igo egingo dira; Urbieta kalea, Atse­gin­degi parean, norabide baka­rrekoa izango da anbulato­riorantz, eta Nafar kalea ere hala izango da Elkanotik Izpizuarantz. Aparkalekuetan ere alda­ket­ak izango dira, besteak bes­te: Izpizua kalean gune urdina jarriko dute, ordubetez apar­katu ahal izateko; eta Nafar eta Biteri kalea gune gorriak izango dira, bizilagunentzat.

Autobus geltokiak lekualdatuko dituzte
Autobus geltokiak ere alda­tuko dituzte: G2 autobusa (Donostiaruntz) El­kano kale­an, Biteri parean geratuko da; G2 (Urnie­ta­runtz) eta G1 auto­busek Urbieta kalean izango dute geltokia, pelotaleku pa­re­an; A1, G6 eta Hiribusak, Txi­rrita kalean izango dute gel­tokia. Horiez gain, Txantxillan, errotonda berria inguruan, G1 eta G2 lineako autobusek geltokia izango dute.