Ertzaintzak bikote bat atxilotu zuen joan den larunbatean, goizaldeko 03:00ak aldera, etxeko portalera iristen ari zirenean, hala azaldu du Hernaniko AAMk Kronikara bidalitako prentsa oharrean. AAMk dioenez, portalera iristen ari zirenean, Ertzaintzaren auto bat hurbildu eta zer egin dizugu? galdetu zien ertzainetako batek. Honekin batera dokumentazioa eskatu zieten: «mutilak ez zuela ezer esan eta lasai egoteko eskatu zien, dokumentazioa emango ziela gaineratuz. Dokumentazioa ateratzen hasi zenean lurrera bota zuten, eta hainbat kolpe eman zizkioten. Identifikatuko zela esan arrean, poliziek barrabiletan eta saihetsean eman zizkioten kolpeak. Denbora gutxian kalea ertzainez bete zen eta mutila osasun etxera eman zuten kolpeak sendatzera. Gaua atxilotuta pasa ondoren, goizean epailearen aurretik pasa ziren, eta Ertzainen bertsioa gezurra zela adierazi zuten. Autoritateari atentatua egitea egozten diete».
«Bortizkeriaren erabilera ohikoa izan da beti gorputz errepresibo honen aldetik»
AAMk salatu du Ertzaintzak erabilitako bortizkeria, eta dio ohikoa dela gorputz errepresibo honen aldetik. «Inolako justifikaziorik gabe atxilotu eta hauetako bat zauritu izana salatu nahi dugu. Ertzaintza gorputz errepresibo bezala desegiteko pausuak eman behar ditugu».