Hernaniko Harana Liturgia Batzordeak Garizuma topaketa antolatu du larunbatean. Garizuma garaia denez, errezu eta fedean sakontzeko antolatu dutela azaldu du Batzordeak. Topaketan, Liturgia taldea arduratuko da animazio espiritualaz, eta Juan Martin Agerre apaiza, gaian aditua dena ere, bertan izango da.
Pastoralak dei egin diete herritarrei topaketan parte hartu, eta kristau komunitatearen parte sentitzera, Nazareteko Jesusekin batera, bere bidea egin nahi duen komunitatearen parte izatera.
Topaketa, arratsaldean
Topaketa arratsaldeko lehenengo orduan hasiko da, 16:00etan hain zuzen, harrera otoitzarekin. Ondoren, Garizumako igandeen inguruko hitzaldia emango dute, ordu eta erdi ingurukoa. Atsedenaldiaren ostean berriz, Garizuma sinboloen aurkezpena egingo dute; eta azkenik, 19:00etan, topaketako parte hartzaileak agurtuko dituzte.
EGITARAUA:
16:00 Harrera eta otoitza
16:30 Hitzaldia:
`Garizuma-igandeak´
18:00 Atsedena
18:30 Garizuma-Sinboloen
aurkezpena
19:00 Hurrengora arte