Hernaniko hiru lagunek auto istripua izan zuten otsailaren 26an, Castellongo espetxetik bueltan. Pedro Maria Cano Pittu eta Marta Igarriz Hernaniko euskal presoak bisitatu eta bueltan zetozela izan zuten istripua. Amnistiaren Aldeko Mugimenduak Kronikara bidalitako oharrean azaldu duenez, kotxeko kurpil bat lehertuta izan zuten istripua: «istripua askoz larriagoa izan zitekeen, baina zorionez, susto bat besterik ez da izan».
«Dipertsio politikak
astebururo jartzen ditu lagun eta senideak arriskuan»
AAMk «dispertsio politika hiltzailea» salatu du oharrean, eta euskal preso politikoak Euskal Herriratzea exijitu du. Oharrean azpimarratu dutenez, «politika honen eraginez, astebururo arriskuan jartzen dira euskal preso politikoen senide eta lagunen bizitzak, bixitak egiteko helburuarekin milaka kilometrotako bidaia egitera behartuta daudelako».