‘Maxkuri’ dantza gaur, umeentzako egun haundian

Maxkuri dantza ere deitu izan zaio Axeri dantzari, ha­sieran inauterietan bakarrik egiten zen ekitaldiari. Axeri eta maxkuri, denak prest dira, eta 10:00etan hasiko dira bizkarrak berotzen, gaztetxoenei. Haur eta gazteen­tzat ekitaldi mordoxka jarri dute gaur, 11:30etatik aurrera: poniak eta xexenak, tailerrak, erraldoi eta buruhaundiak... break dantza ikasteko modua ere izango dute, 18:00etatik aurrera.

Aintzinako ohitura
Batzuk milaka urteko ohitura dela diote, inauteriena. Uda­berria iristean, inauste edo kimatze garaia iristen zen, eta zomorro, moxorro edo intsektu plagak etsai gogorra ziren nekazarientzat. Horregatik, jendea mo­zorrotu edo zomorroz jantzi, eta eskea egiten zuten, etxez etxe. Nekazariek txintxo ordain­tzen zieten zorra zo­morroei, gero euren bara­tzetan berriz ordaindu beharrik ez izateko.

Mila bertsio ditu inauterien (inausterien?) jatorriak, eta hori bat. Kontuak kontu, ohitura errotua dago gure herrietan, eta Hernanin gero eta indar­tsuago daudela ikusi dugu egunotan. Mozo­rro faltarik ez zen izan atzo ere, eta konpar­tsetako barbaro, bikin­go eta peruanoek euren ikutua jarri zioten festari. Bihar, urteko kalte guztiak uxatzeko, sardina  erreko dute.

Hernaniko Inauteriak

Martxoak 7, astelehena:

• 09:00etan, Diana Musika Eskolako ikasleekin.
• 10:00etan, Axeri dantza gaztetxoentzat.
• 11:30etan, Haurrentzat poniak eta zezen txikiak Latsunbeko kirol pistan.
• 12:00etan, Haurrentzat tailerrak Atsegindegin.
• 16:00etan, Erraldoi eta buruhaundien konpartsa Kriskitiña dantza taldearekin eta Musika Eskolako dultzaineroekin.
• 17:00etan, Haurrentzat emanaldia: ‘Zirika Zirkaos’, Atsegindegin.
• 18:00etan, Break dantza Scratch erakustaldia, Tilosetan.

Martxoak 8, asteartea:

• 18:30etan, Sardinaren entierroa.