Huizik eutsi eta Pagolak moztu... eta Euskal Herriko txapelak Hernanira

Bigarren mailan lehenengo eta lehenengo mailan bi­garren. Hernaniarrek bi final jokatu zituzten atzo, Euskal Herriko Paleta Txa­pelketan. Pagolak eta Huizik 30-20 irabazi zuten, bigarren mailako finala. Irazustabarrenak eta Arrietak 20-30 galdu, lehenengo mailakoa. Lan polita eginda, gustora dira beraz, hernaniarrak.

Ansotegiren joa,
Huiziren defentsa
Ansotegi saiatu zen, hernaniarrei aurrea hartzen. Huizik defentsa izugarria azaldu zuen ordea. Huizik defentsa, eta Pagolak atakea. Bikain moztu zuen pelota hernaniarrak, eta min haundia egin zien Ansotegiri eta Pererari. Partidu gogora jokatu zuten. Hasieran elkarri gaina hartu ezinda ibili ziren, baina 7-7ko enpatetik aurrera, Eli Pagola eta Maider Huizi nagusitu ziren. Txapelak Hernanira, beraz, eta ondo merezitako sentsazioarekin gainera.

Txapeldunorde, eta gustora
Lehenengo mailan, Amaia Irazustabarrenak eta Ariane Arrietak galdu egin zuten, 20-30, Pradera eta Saezen kontra. Partidu gogorra espero, eta ha­laxe izan. Txapel­dunek atzera jo zuten, pelota ondo baztertuz; Ira­zus­taba­rre­nak au­rrean nahi zuen jokoa, eta ekartzea lortu zuenean tan­to ederrak egin zituen. Arrie­tak asko eutsi zien faboritoei, eta izerdia botarazi zien, irabazteko. Bukaeran, hernaniarrak txapeldunorde, eta gustora.