Hortzak estututa, garaipen haundia!

Hernanik ira­ba­zi egin zuen atzo, 17-5, eta Errege Kopako final zortzirenetara pasa da. Ondo merezita pasa ere. Kontuak oso zail zituen Hernanik; 10 puntu baino gehiagogatik irabazi behar zuen, eta etxean jokatzea tokatu arren, Aieten jokatu behar, Landare ehungarren aldiz inundatu delako. Hortzak estututa hasi zuten partidua hernaniarrek, eta baita bukatu ere. Ondo hasi ziren, 10-0. Dominatu egin zuten Polidori eta Santa Kruzen mutilek. Liceo Frances ez zegoen ezer erregalatzeko, ordea. Biga­rren zatian haustera atera ziren, eta 10-5 jarri ziren berehala. Minutuak aurrera, Liceo Frances gero eta gogorrago, eta Hernani gero eta estuago. 10 pun­tu­ko aldea behar zuten her­na­niarrek; ez zegoen errezean. Jokaldi zakar pare batean Liceori espultsatu egin zioten jokalari bat. Hortxe aukera! Hortzak estutu, eta hainbat saiakera eta gero, entsaioa herna­nia­rrek... eta transfor­ma­zioa barrura! 17-5. Final zortzi­renak eskutan. Baina minu­tu gogorrak aurretik... Ez zen berehalakoan iritsi partidu bukaera. Li­ceok bi jokalari gutxia­go­rekin bukatu zuen partidua, eta damu izango du bi falta horiek egin izana. Hernani bikain. Zaleak ere bai; hor­tzak denek estutu baitzi­tuzten atzo. Eta merezi izan zuen. Entsaioak: Otxotok, Gagok eta Esnalek. Trans­formazioa, Etxebek. Martxoaren 20an Landa­ren jokatuko dituzte final zortzirenak, partidu baka­rre­ra, Ohorezko A mailako talde baten kontra.