‘bihurrikerietan’ diskoko kantuak eta beste berri batzuk eskainiko dituzte txistuak eta teklatuak, Mendizabalek eta Zabalak, datorren ostiralean Hernanin. Txistua izan ohi da, birtuosoa; azkarra, alaia eta jolastia. Baina badaki tristea eta sentimentala izaten ere, eta teklatuaren laguntzaz, aire horiek ere iritsiko dira Hernanira. Txistuaren alderdi guztiak, alai-triste, lehengo eta oraingo... ondo menderatzen ditu Garikoitz Mendizabalek. Xabier Zabalak girotzen lagunduko dio, teklatuarekin. Kontzertua, datorren ostiralean, 20:00etan, Biterin. Sarrerak dohainik dira.
Tradizioa eta etorkizuna
Hernani’n Musik programak hainbat kontzerturen artean, hau jarri du bigarrena. Kasu honetan, musika tresna baten alderdi guztiak eskainiko dituzte Biterin. Txistu eta teklatuaz gain, gainera, Mendizabalek joko ditu silboteak eta xirula ere; eta Zabalak, eskusoinua jo eta programazioak ere egingo ditu.