Hernanik Errege Kopako bigarren kanporaketa jokatuko du gaur Liceo Frances taldearen aurka. Bueltako partidua izango da eta 10 puntu baino gehiagogatik irabazi beharra dute hernaniarrek Kopan aurrera jarraitzeko. Joaneko partidua 34-24 galdu zuten. Partidua irabazi eta behar adinako aldea ateraz gero, Hernani finalzortzirenak jokatzeko sailkatuko litzateke.
Norgehiagoka Aieten jokatuko da 14:00etan; izan ere, joan den asteko euriteen eraginez, Landare urak hartu zuen eta oraindik ez dago egoera onean.
Oraingoan aurkariek,
5 orduko bidaia
Hernanik gogor hartuko du Liceo Frances eta txapelketan aurrera egiteko aukera ikusten du. Hernanik lesioak tarteko, baja dexente ditu, eta bigarren taldeko jokalariekin ari da jokatzen azken partiduetan, baina maila ona ematen ari direla azaldu dio Kronikari. Eta horrez gain, oraingoan aurkariek egingo dute 5 orduko bidaia eta hori aprobetxatzeko asmoa dute.