Pili Lujanbio, Iñaki Apezetxea (Txatxon), Joaki Lujanbio eta Joxe Amondarain hernaniarrek merezitako omenaldia jaso eta Inauteriei hasiera eman zitzaien atzo Plazan. Eskola umeak goitik beheraino mozorrotuta, kalean zehar ibili ziren arratsaldeko lehenengo orduan Urumea ikastola eta Lagunak txarangarekin.
Gaztetxoenek gozatzeko aukera izan zuten atzokoan; izan ere, arratsaldean erraldoi eta buruhaundiak izan ziren Kriskitiña dantza taldearekin eta Musika Eskolako dultzaineroekin, eta ondoren, Eusko Diskoteka.
Gaur, Axeri Dantzarekin hasi eta haur eta gazteentzako ekintzak izango dira: poniak eta zezen txikiak, erraldoi eta buruhaundiak, haurrentzako emanaldia, gazteen bazkaria, Mozorro Festa, txaranga...
Gazte Asanbladaren eskutik, bazkaria
Gazte Asanbladak bazkaria antolatu du gaur, Kontrakantxa Gaztetxean Inauteriak ospatzeko. Bazkaldu aurretik, poteoa egingo dute.
Mozorro Festa, Atsegindegin
Urtero egin bezala, Mozorro Festa izango da gaur Inauterien barruan. Festa 18:00etan hasiko da Atsegindegin. Gazteek, musikaren inguruan zerbait prestatu eta jende aurrean erakusteko aukera izango dute.
Inauteriak asteartera arte luzatuko dira eta bihar, besteak beste, Konpartsa ibiliko da kaleetan barrena.
Hernaniko Inauteriak 2011
Martxoak 5, larunbata:
10:00etan, Axeri Dantza.
11:00etan, Betikoak txaranga.
11:30etan, Haurrentzako poniak eta zezen txikiak Latsunbeko kirol pistan.
12:00etan, Ezpeletako txaranga.
San Joan Konpartsa.
13:00etan, Erraldoi eta buruhaundien konpartsa Kriskitiña dantza
taldearekin.
17:00etan, Haurrentzako
emanaldia kalean.
18:00etan, Betikoak txaranga.
18:00etan, Mozorro Festa Atsegindegin.
00:00etan, Betikoak txaranga.
Martxoak 6, igandea:
11:00etan, Betikoak txaranga.
12:00etan, Konpartsaren irteera Urbieta kaletik: Ttarla dantza taldea, Inmakulada ikastetxea eta Elizatxo ikastola.
17:00etan, Haurrentzat emanaldia: ‘Zirkoa ezagutuz’ Potxin eta Patxinekin Atsegindegin.
18:00etan, Betikoak txaranga.
19:30etan, Musika Eskolako
trikitilari eta dultzaineroak.
Martxoak 7, astelehena:
09:00etan, Diana Musika Eskolako ikasleekin.
10:00etan, Axeri dantza
gaztetxoentzat.
11:30etan, Haurrentzat poniak eta zezen txikiak Latsunbeko kirol pistan.
12:00etan, Haurrentzat tailerrak Atsegindegin.
16:00etan, Erraldoi eta buruhaundien konpartsa Kriskitiña dantza
taldearekin eta Musika Eskolako
dultzaineroekin.
17:00etan, Haurrentzat emanaldia: ‘Zirika Zirkaos’, Atsegindegin.
18:00etan, Break dantza Scratch erakustaldia, Tilosetan.
Martxoak 8, asteartea:
18:30etan, Sardinaren ehorzketa.
*Foto Forum Hernani elkarteak Inauterietako ekintza
guztietan argazkiak aterako ditu.