‘Gorenak’ sagardoaren kalitatezko marka, kalean da

Gorenak izeneko marka ka­lean da. Sagardo Mahaiak bultzatu du marka, eta 13 sa­gardotegi daude bertan.  Kali­ta­­tezko marka edo zigilua izango da: Euskal Herriko Sa­gardo Go­re­nak; Sidras selectas del Pais Vasco. Aurre­ran­tzean, mer­­katuan nabarmen izango dira, txapel bel­tza, eta urre-ko­lorezko letrak dituzten sagardo botilak. 13ko talde horretan, hiru, hernaniarrak dira: Altzueta, Zelaia, eta Olaizola.

Atzo aurkeztu zuten kalitatezko marka berria, Zelaia sagardotegian, eta bertan izan ziren marka bultzatu duten 13 sagardogileak: Alo­rrene, Altzue­ta, Barkaiz­tegi, Begiris­tain, Egiluze, Gartzia­tegi, Gaz­tañaga, Gu­ru­tzeta, Isas­te­gi, Olaizola, Sa­rasola, Zapiain, eta Zelaia.

«Kalitate goreneko
sagardoa lortu dugu»
Miguel Zapiain Sagardo Ma­haiko bozeramaileak eta Mi­guel Mari Lasa lehendakariak hitz egin zuten ekitaldian. Azpimarratu zutenez, neurriak zorrotz beteta, «kalitate goreneko sagardoa» lortu du­te, eta Gorenak zigilua lortu nahi duten sagardogileek, baldintza horiek bete beharko dituzte. «Araudi bat sortu eta ezarri dugu, sagardoaren lanketa prozesu osoa kontuan hartzen duena, sagastietatik hasi eta sagardoa botilaratu arte: kalitatezko sagarra, den­tsitate kontrola, PHaren analitika, azidotasun aldakorraren kontrola...».

Bertako sagarraren aldeko apustua egin dutela adierazi zuten, konpromisoa hartu baitzuten bertan homologatutako sagastietako sagar guztia har­tzeko. Aurten, 6 miloi botila merkaturatuko dira Gorenak zigiluarekin.