Hasi dira lanak Galarretako Teknologia Parkea egiteko: 150.100 m2, inobaziorako

JARRI dute lehenengo harria, eta lanak martxan dira, Galarretako teknologi parkea egiteko: Galarreta Proiektua. 150.107 metro karratu izango ditu, 120 miloi euroko aurrekontua, eta be­rri­kuntza eta inobazioari be­gira egingo dute. Oronak izango du zatirik haundiena, 40.000 metro karratu; Mondragon Uniber­tsi­­tatea ere hor izango da, eta enpresa teknologiko eta ino­bazioan lanean ari direnak ere hor izango dira.   
Aurkezpena Oronan egin zen, eta bertan izan ziren, besteak beste: Ber­nabé Unda (Industria, Berri­kun­tza, Mer­kataritza eta Tu­ris­mo Sail­bu­rua), Markel Ola­no (Gi­puz­koako Diputatu Na­gusia), Ma­rian Beitialarran­goitia (Her­­naniko Alkatea), Odón Elorza (Donostiako Al­ka­tea), Tomas Orbea (SPRI tal­deko zuzendari nagusia), eta Ja­vier Mutuberria (Orona S.Coop.-eko zuzendari nagusia).

Miramongo parkearen segida
Galarreta Proiektuak Parke Teknologikoa izan nahi du. Alde horretatik, Miramongo Parke Teknologikoaren ja­rrai­pena edo anpliazioa dela adierazi zuten atzo. Inoba­zioa izango du oinarri, eta «inobazio-ekosistema» sortu nahi dute bertan: «etorkizunera begira beharrezkoa da uztartzea: ikerketa eta garapena, inobazioa, teknologia eta industria», adierazi zuen Javier Mutuberriak, Orona S.Coop.-eko zuzen­dariak.
150.107 metro karratuak horrela banatuko dira: 60.000 m2 ikerketa, garapen, berrikuntza eta teknologia enpresetarako; 40.000 m2 Orona IDeO gunearentzako; 8.000 m2 hirugarren sektorerako; eta gainerakoak, parke, bide eta abarrerako.  

‘Orona IDeO’, ideia berria
Galarreta Proiektuak zati nagusi bat izango du, Orona IDeO izenekoa, eta ideia berri batekin dator: berrikuntzaren ekosistema bat sortu nahi dute, laboratorio moduko bat izango dena. Kolaborazioa lortu nahi dute enpresak, I+D zentroak, Tek­nologia eta Unibertsita­tea­ren artean.
Orona IDeO horren ba­rruan joango dira: Orona eic, Fundacion Orona (Mon­dragon Unibertsitatea), Oro­na G3A eta Ikerlan IK-4.
Oro­nako bulego nagusiak ere Galarretan izango dira he­men­dik aurrera.

Energia eta ekologia
Galarretan egingo duten inobazio proiektuak 4 helburu nagusi izango ditu Orona ren aldetik, energia aurreztu eta ekologiaren aldetik lan eginez: elebazioa eta hiri mugikortasuna indartzea; sostenibilitatea eta energia efizientzia; energia pilatu eta kudeatzea; eta energia zerbitzua eskaintzea (ESCO).

7 miloi euro, Hernanik
Hernanik 7 miloi euro inbertituko ditu proiektu berri ho­netan, eta unibertsitatera bideratuko ditu, Ikasleku Fundazioren bitartez.
Marian Beitiala­rran­goi­tiak atzo azaldu zuenez  oso pozgarria da albiste hau Hernanirentzat. «Ikerketa eta garapena, berrikuntza, eta teknologia Hernanira etorriko direlako».