Iñude eta Artzaiek beren lanak eginda eta Musika Bandak giroa jarrita, Inauteriak hemen dira!

Iñudeak, Artzaiak, globeroak, barkileroak, umezainak, sendagileak, alkatea, udal-idazkaria, argazkilariak... guztira 170 neska-mutil ibili ziren atzo Urumea ikastolak urtero antolatzen duen Iñude eta Ar­tzai­en konpartsan. Iñude bakoi­tzak ekarritako ume ba­koitzari sendagileek txertoa eman ondoren, Udal agintarien aurrean aurkeztu zituzten eta izenak erregistroan idatzita geratu ziren, garai batean egin ohi zen bezala. Egin beharreko lanak eginda, azken arin-arinarekin datorren urtera arte agurtu ziren Iñude eta Artzaiak, Inauteriei txanda emanez.
Eta horretarako giroa jar­tzen Musika Banda aritu zen, Inauterietako kontzertua eskai­niz. Hutsik egin ezin duten abesti tradizionalak jotzeaz gain, Kaldererotako bi abesti in­ter­pretatu zituzten, Elur Txori el­karteko zenbait kiderekin batera, omenaldi gisa.
Beraz, guztia prest da os­tiralean hasiko diren Inaute­rie­tarako!

Berriak elkartekoak hippyz
Berriak elkarteak aurtengo Inauterietarako aukeratu duen gaia honakoa: 60ko hippyak.

Zamalanetan, ordu aldaketa
Zamalanetarako ordutegi be­re­­zia izango da Inauterietan: la­­run­batean 06:00e­­­­tatik 09:30e­tara izango da, eta astelehenean, 06:00etatik 09:30etara eta 11:30etatik 13:30etara.

Hernaniko Inauteriak 2011 - Martxoaren 4tik 8ra
Martxoak 4, ostirala:
15:15etan, Jaien hasiera Plazan. Pili Lujanbio, Iñaki Apezetxea (Txatxoni), Joaki Lujanbio eta
Joxe Amondaraini omenaldia. Jarraian eskolako umeak aterako dira Urumea ikastolatik Lagunak txarangarekin.
17:00etan, Erraldoi eta buruhaundien konpartsa Kriskitiña eta Musika Eskolako dultzainerokein.
17:30etan, Eusko diskoteka Plaza Berrin.
21:00etan, Pelota: VIII. Berria Txapelketa,
frontoian.
Martxoak 5, larunbata:
10:00etan, Azeri dantza.
11:00etan, Betikoak txaranga.
11:30etan, Haurrentzako poniak eta zezen
txikiak Latsunbeko kirol pistan.
12:00etan, Ezpeletako txaranga. San Joan Konpartsa.
13:00etan, Erraldoi eta buruhaundien konpartsa Kriskitiña dantza taldearekin.
17:00etan, Haurrentzako emanaldia kalean.
18:00etan, Betikoak txaranga.
18:00etan, Mozorro Festa Atsegindegin.
00:00etan, Betikoak txaranga.
Martxoak 6, igandea:
11:00etan, Betikoak txaranga.
12:00etan, Konpartsaren irteera Urbieta kaletik: Ttarla dantza taldea, Inmakulada ikastetxea eta Elizatxo ikastola.
17:00etan, Haurrentzat emanaldia: ‘Zirkoa
ezagutuz’ Potxin eta Patxinekin Atsegindegin.
18:00etan, Betikoak txaranga.
19:30etan, Musika Eskolako trikitilari eta
dultzaineroak.
Martxoak 7, astelehena:
09:00etan, Diana Musika Eskolako ikasleekin.
10:00etan, Azeri dantza gaztetxoentzat.
11:30etan, Haurrentzat poniak eta zezen txikiak Latsunbeko kirol pistan.
12:00etan, Haurrentzat tailerrak Atsegindegin.
16:00etan, Erraldoi eta buruhaundien konpartsa Kriskitiña dantza taldearekin eta Musika Eskolako dultzaineroekin.
17:00etan, Haurrentzat emanaldia: ‘Zirika Zirkaos’, Atsegindegin.
18:00etan, Break dantza Scratch erakustaldia, Tilosetan.
Martxoak 8, asteartea:
18:30etan, Sardinaren ehorzketa.
*Foto Forum Hernani elkarteak Inauterietako ekintza
guztietan argazkiak aterako ditu.