Ezker Abertzalea zehazten ari da datozen lau urteotan Udaletik egin beharreko lana

«Herritarrengandik gertuen dagoen Administra­zioa izanda, oso garrantzitsua da guretzat Udalean ordez­ka­ritza izatea eta Udaletik era­gi­tea, ezkertiarron eta abertza­leon herri-proiektua eraikitze­ko Uda­la tresna garrantzitsua baita, herri mugimendua beza­laxe. Hori horrela, orain arteko agintaldiaren balantzea egiten ari gara eta ondoren, datozen lau urteetarako Herri Progra­ma definituko dugu», jakitera eman zuen atzo prentsaurrean, Hernaniko Ezker Abertzaleak. Herri Programa zehaztu aurretik, arloz arlo, herriko diag­­nostikoa osatzen ari direla jakinarazi zuen: «Diagnostikoa osatzeko, herriko eragileekin el­kartu gara, arlo jakinekin lotura duten norbanakoekin eta inte­re­sa zutenekin lantal­deak sortu ditugu». Eta horrez gain, inkes­tak sortu dituzte eta egunotan de­non esku jarriko dituzte, iri­tzia eman eta ekar­penak egite­ko. Inkesta inter­ne­ten dago hernanikoezkerabertza­lea.word­press.com helbidean edo Garin, Rio­janos eta Txili taber­netan, gaztetxean eta LABen egoitzan. Auzoetan ere bete ahal izango dira, auzoz auzo mahaiak jarri­ko baitituzte. Horrekin, herriko egoeraren erradiografia osatze­ko asmoa dute. Diagnostiko ho­ri Ezker Abertzalearen blogean egongo da eta aldizkari bat ere bana­tuko dute etxez etxe.

Diagnostikoa osatuta, Herri Programa zehaztu
Behin diagnostikoa osatuta, da­to­zen lau urteotako Herri Pro­gra­ma zehaztuko du Ezker Aber­­­tzaleak. «Horretarako, ar­lo­­­ka­ko lantaldeak martxan dau­de eta martxoaren 19an, la­run­bata, mintegi irekia egingo du­gu, Herri Programaren in­gu­­ru­an hausnartzeko, eztabai­da­­tze­ko eta erabakiak hartze­ko. Gon­bidatuta zaudete, de­non artean erabaki nahi baiti­tugu datozen urteetako zere­ginak eta lehenta­sunak».

«Denontzako Herri Programa»
Euskal Herrian irekitzen ari den prozesu demokratikoa das­­tatuko duen Herri Progra­ma dela aurreratu zuten; de­non­tzako izango dena: «haize freskoa arnastuko duen eta Udal mailan ere aldaketa poli­ti­ko eta soziala ekarriko duen He­rri Programa; euskeraz min­tza­tuko den Herri Programa; emakumeen ahotsarekin osatu­tako Herri Programa; inguru­mena babestuko duen Herri Programa; nagusiekin eseriko den eta gazteneenen musika entzungo duen Herri Progra­ma. Beraientzat, berarentzat, zuretzat, guretzat, denontzat izango da Herri Programa». Bestalde, eskerrak eman zizkieten diagnostikoaren eta Herri Programaren lanketan ari diren guztiei.