txotx denboraldiaren barruan, sagarra eta sagardoaren ibilbidea sortu zuten orain lau urte, eta urtero eta jende gehiago animatzen ari da, Sagar Lasterra herri krossera. Gaur da egun haundia. 11:00etan abiatuko dira Ibarluze poligonotik, arraun elkartetik, eta kiroldegiraino egingo dute korri; tartean 7 sagardotegi pasako dituzte: Goiko Lastola, Elorrabi, Iparragirre, Altzueta, Otsua-enea, Olaizola eta Itsasburu.
Sergio Roman Hernanin
izango da, Herri Lasterketen Ligako irabazlea
Sergio Roman hernaniarrak iaz egin zuen errekorra Sagar Lasterra proban (27:55), eta gaur ere bertan izango da, Kronikari jakinarazi dionez. Errekor berria egitea zaila izango duela dio Romanek, datorren astean 3.000 metroko lasterketa duelako, baina oso gorputzaldi onean omen da: «oso azkar joan beharra dago marka hori hobetzeko, eta indarrak gorde beharra daukat datorren asterako. Dena dela, iaz baino hobetoxeago nagoela esango nuke, eta saiatu gabe ez naiz geratuko.
Ez da gutxiagorako, aurten Euskadiko Txapeldun izan da 1.500 metroan, txapeldunorde 3.000 metroan, eta San Ilario proba ere irabazi du. Horrez gain, Diario Vascok egiten duen Herri Lasterketen Liga ere berak irabazi du.
Izena emateko aukera izango da, kiroldegian bertan, 09:15etatik aurrera, 10 euro ordainduta. Antolakuntzak bi autobus jarri ditu, kiroldegitik Ibarluzera: 10:10etan eta 10:30etan.
Ibilbidea -8,7 km.-: Ibarluze-Lastola-Goiko Lastola- Elorrabi-Iparragirre-Altzueta-Loidi-Otsuenea-Eizmendi-Loidi- Osiñaga-Portu-Karabel-Landare- Florida-Sagastialde-Antziola-Marieluts-Kiroldegia
Autobusa: 10:10-10:30 kiroldegian
Irteera: 11:00 Ibarluzen
Lau errekorrak
Seniorrak: Sergio Roman 27:55; Cristina Arbues 33:04
Beteranoak: Jose Javier Cuadrado 29:11; Josune Tercero 33:38