Baietz gure enpresan Bikain Ziurtagiria lortu!

Entrada, oficina, recepción... kontzeptuen ondoan, sarrera, bulegoa, harrera... jar­tzea edota telefonoa har­tzean ¿Sí, digame? esan beharrean, Bai, zein da? esatea edota web guneko edukia euskaraz ere jartzea edo do­kumentuak euskaraz idaztea, bilerak euskaraz egitea... Ba­tzuk pau­so txikiak eta beste batzuk han­diak, baina guztiak dira euskararen erabilera normalizatzeko pausoak eta pauso horiek ematera bul­tzatu nahi dituzte Burun­tzal­deko 6 udalerriek bertako enpresak. Hori horrela, Baietz gurean! egitasmo berria jarri dute abian, Ahize hizkuntza aholkularitzaren pro­­posa­men batean oinarrituta. En­pre­sek, euskararen alde ematen dituzten pausoen arabera, diru laguntza jasoko du­te egi­tasmo honen bidez, abia­tzen diren tokitik abiatuta ere. Buruntzaldeko herrietako 10 langiletik gorako enpresei zu­zen­dutako egitasmoa da.

Bikain Ziurtagiria lortzeko bidea
Egitasmoa bultzatu duten Uda­­lek ja­kinarazi dutenez, egitas­moa­­re­kin helburu instrumental ba­tez baliatzea erabaki dute oraingoan: «Eusko Jaurlari­tzak, hau da, Hizkun­tza Politikarako Sail­bu­­ruor­detzak (HPS) ematen duen Bikain Ziurtagirieta­ko bat lor­­tzeko bidean jarriko ditugu enpresak, eta ibilbide ho­rretan diruz lagunduko ditugu». Baietz gurean! egitasmoan par­te har­tzea erabakitzen duten en­presei azterketa bat egingo die enpresa aholku­lariak enpre­sa horren egoera linguis­tikoa zein den jakite­ko. Horretarako, HPSk Lanhitz programaren barru­an definituta duen Erre­fe­rentzia Marko Estandarra (EME) erabi­liko du. 0-1000 pun­tu­ko tartean neurtuko da egoe­ra. Enpresa aholkulariak txos­te­na egingo du zehaztuz neurke­taren emaitza eta en­presa ho­rrek hur­bilen duen Bikain Ziur­ta­girirako bi­dean egin beharre­koak. Bide ho­rretan, 100 puntu­ko salto ba­koi­tzeko jasoko dute diru sa­ria Udalaren eskutik. Hasie­rako pun­tuak gehia­go sa­ri­tuko dira: 0-500 tartean 700 euro salto bakoitzeko, 501-800 artean 500 euro, eta 801-1000 artean 300 euro. Enpresak parte hartzea era­bakitzen duenean, urte beteko hi­tzarmena sinatuko du Udala­re­kin, luzatzeko aukerarekin, eta hitzarmen horretan jasoko da, besteak beste, Udalak en­pre­sari emango dion diru-lagun­tza. Bikain Ziurtagiriari dago­kio­­­nean, hiru dira: Beltza, 200-399 puntu artean lortzen da eta 1.000 euroko saria du; Zilarrez­koa 400-699 puntu artean lor­tzen da eta 3.000 euroko saria du; eta Urrezkoa 700-1000 pun­tu artean lortzen da eta 5.000 euroko saria du.

12 enpresarekin harremanetan
Buruntzaldeko Udalek egitasmoa martxan jartzeko, 12 en­pre­sa aukeratu dituzte, herri bakoitzeko bi, eta horiekin ha­rre­manetan daude. Aukera­tu aurretik honako lana egin zu­ten: Buruntzaldean dauden 10 langiletik gorako 390 enpresei inkesta pasa zieten euskararen inguruko beharrak eta nahiak ezagutzeko. Horietatik 170ek erantzun zuten eta 52 enpresak azaldu zuten euskara normalizatzeko prestutasuna. Zenbait irizpide kontuan hartuta, hasteko, 12 dira jo puntuan dituzten enpresak.

Heziketa Zikloan ere, euskararen aldeko pausoak

Lan munduan euskararen erabilera normalizatzeko, Baietz gu­re­an! egitasmoa da Buruntzal­de­ko 6 Udalek esku artean du­ten egitasmo nagusia. Dena de­la, ez da bakarra. Heziketa Zikloari begira ere ari dira lanean. Euskaraz ikasten dutenek (D eredua) enpresetan praktikak euskaraz egin nahi izatea eta egiteko aukera izatea ziurtatu nahi dute. Hori horrela, bi zentzutan ari dira lanean: alde batetik, ikasleak motibatzeko hitzaldiak ematen ari dira Buruntzaldeko ikastetxeetan euskarak lan munduan duen garrantzia eta lekua azaltzeko. Bestetik, praktikak egingo dituzten enpresa horiekin lanean ari dira instruktorea euskalduna izan dadin, ikasleak laneko harremanak euskaraz izan di­tzan, dokumentuak bi hizkun­tzatan egon daitezen...