Iñude eta Artzaietarako prest, konpartsako 170 neska-mutilak

IÑUDE eta Artzaiak, glo­beroak, piruleteroak, barki­leroak, umezainak, senda­gileak, erizainak, argazkila­riak... ofiziodun neska-mutilik ez da faltako bihar Hernaniko kaleetan. Azken 17 urteetan egin duen bezala, Iñude eta Artzaien kon­partsa aterako du bihar Urumea ikastolak. Garai bateko ohitura berreskuratu, eta Urumea ikastolako 170 neska-mutilek Hernaniko kaleak hartuko dituzte bihar hura gogoratu eta antzez­teko asmoarekin.

Ekitaldi nagusia, Gudarien Plazan

Konpartsa eguerdiko 12:00­e­tan aterako da Urumea ikastolatik, eta Kaxkoko zen­bait kale igaro ostean, Guda­rien plazara iritsiko da (egu­raldi txarra egingo balu Atsegindegira). Bertan an­tze­ztuko dute eguneko eki­tal­di nagusia. Iñudeek ume­ak txertoak jartzera eraman­go dituzte. Ondoren, Uda­le­ko agintariei aur­keztuko diz­kiete banaka-banaka, izen abizenak erregistroan ida­tzita gera daitezen. Eguneko helburu nagusia beteta, festa eguna arin-arina elkarrekin dan­tzuta agurtuko dute. Se­gidan, konpartsako parte­hartzaile guz­tiak Urumea ikas­tolara itzuliko dira.

170 neska-mutilak hartuko dute parte bihar konpartsan

Urumeako 170 ikaslek osa­tuko dute Iñude eta Artzai­etako konpar­tsa. Horietatik 44 dantzariak izango dira, eta 57 danbor hotsak za­baltzeaz ardura­tuko dira. Gainontzeko nes­ka-mutilen eginbeharra garai­ko ofizioen antzezlana egitea izango da, hala nola: iñude eta ar­tzainak, zapata-garbiltzai­leak, umezainak, Alkatea, Udal-idazkaria, piru­­leteroak, globeroak... Urumea ikastolak 18ga­rren edizioa izango du biharkoa, eta azaldu du­tenez, «urteen poderioz kon­partsaren arrakasta herriko mugak gainditzen ari da, eta geroz eta ge­hiago dira inguruko herrie­tatik an­tzezlanaz gozatzera hur­biltzen direnak».

Konpartsaren ibilbidea

Konpartsak bihar herrian zehar egingo duen ibilbidea ondorengoa izango da: Uru­mea ikastola, Gudarien pla­za, Kardaberaz, Plaza Be­rri, Kale Nagusia, Zinkoenea, Txi­rrita, Urbieta, Plaza Berri, Kale Nagusia, Gudarien plaza (ekitaldi nagusia), eta Urumea ikastola.

Inauterietako kontzertua bihar, Musika Bandak

Inauteriei aurre hartuta, Her­naniko Musika Bandak ere bihar izango du ekitaldia. Inauterietako kontzertua es­kainiko dute eguerdiko 13:15­e­tan, Uda­le­txe­ko Ar­ku­petan. Zipri Otxandorenaren agin­du­­pean, jada tradizio­na­lak diren 13 abesti joko dituzte eta bukatzeko, Elur Txo­ri elkartearen zartagi joleen laguntzaz, Kaldere­roe­­tako bi kanta ere inter­pretatuko di­tuz­te: Hungariar kanta eta Kaldereroetako kale­jira. Musi­ka Bandak jakina­razi due­nez, hori omenaldi xume bat izan­go da Elur Txori elkar­teak 50garren aldiz antolatu baititu aurten Kaldereroak.