120 lagun Urruzuno bailaran barrena

Beste behin ere hernaniarrek ez diote huts egin Mendiriz Mendi Elkarteak, Aranzadi Zientzia Elkarteak eta Her­naniko Udalak urtero antola­tzen duten Hernani ezagutuz ibilbide gidatuari. Hernaniko ibilbide-sarearen barruan osa­tzen ari diren ibilbideak herritarrei ezagutzera eman nahian, urtero bide berri bat aurkezten zaie ekitaldira gerturatzen diren mendizaleei.
Aurtengoan Hernaniko Urru­zuno bailara ezezagunean barrena ibili dira Herna­niko natura, kultura eta historia ondarea ezagutuz. Txuso Gomez historialariaren eta Iñaki Sanz-Azkue biologoaren azalpenez la­gun­duta egin zuten ibilbidea igandean. Pago mugarratu, baso misto, zilegien mugarri, ikazkinen txondor eta beste hainbat gune interesgarrietatik pasa ziren.
Urtarrilean gaztetxoen ibil­bi­dea egin zuten eta 100dik gora neska-mutilek hartu zuten parte.

Gustora arrakastarekin
Mendiriz Mendi eta Aranzadi Zientzia Elkarteko antolatzaileak oso gustora agertu dira Hernani ezagutuz egitasmoa izaten ari den arrakastarekin eta eskerrak eman nahi dizkiete ibilbidera joan ziren herritar guztiei. Era berean, adierazi dute, jendearen erantzunak garbi utzi duela beste behin ere herritarrek Hernaniko in­gu­ruko ondarea ezagutzeko du­ten gogoa eta espero dute aurtengo ekitaldia azken bul­tzada izatea Hernaniko ibilbide-sarea guztiz osatu eta pu­bliko egiteko, «herritar askoren eskakizunei erantzunez».