Urumeak gainezka egin du berriz, Hernanin

Aste honetako euriteek eraginda, Urumea ibaiak gainezka egin zuen atzo, Her­nanin. Eta beste behin ere, Landare errugbi zelaia eta Karabeletik Portura bideko lurrak eta ba­ratzak urak erabat hartuta ge­ratu ziren. Añarbeko datuen ara­bera, goizeko 08:00etan Ere­­ño­tzun, Urumeak 2,04m-ko al­tue­ra zuen, uholde mailaren gainetik (1,80m), eta emaria 139,2m3/s-koa zen.
Hernani ez zen izan euriteen on­dorioz uholdeak ja­san zituen herri bakarra eta Eusko Jaurlari­tzako Larrial­dietako zerbi­tzuek arreta berezia jarri zu­ten atzo, ibaietan.
Arratsalde partetik aurrera eguraldiak hobera egin zuen. Euri-jasak bukatu eta atertzeko joera nagusitu zen, uholde arriskua gutxituz. Gaur, ateri egoteaz gain, giro eguzkitsua izatea aurreikusten da eta larunbatera arte eguraldi ona iragarri du Euskalmetek.

4.283.127 m3 gorde ditu Añarbeko presak
Añarbeko Urak S.A. enpresak atzo jakinarazi zuenez, Añar­be­ko presak 4.283.127m3 ur gorde ditu astelehenetik eta Urumea ibaira iristea saihestu du. Orain­­dik, urtegia ez dago erabat be­tea, 589.318m3 ur gehiago sar­tzeko aukera ze­goen atzo, 08:00e­tan. Denera, 36.690.308m3 ur zegoen urtegian, hau da, bere edukieraren %98,42a.

198,2 l/m2 astelehenetik
atzora bitarte
Añarbeko presako plubio­me­­­­troak, metro karratuko 198,2 li­tro bildu ditu astelehenetik atzo goizeko 08:00ak bitarte, hau da, otsaileko me­diaren %119a bai­no gehiago bildu du. Aste­lehe­nean 43,8 l/m2 bildu ziren, asteartean 92,8 l/m2 eta atzo, 00:00e­­tatik 08:00etara, 61,6 l/m2.