Jon Murua azkarrena Euskadiko Txapelketan, kadete mailan

Hernaniko maila ezberdinetako atletek txapelketa eta lasterketa faltarik ez dute izan asteburu honetan eta parte hartzeaz gain, emaitza onak lortu dituzte. Esate­ra­­ko, Jon Murua azkarrena izan da Euskadiko Txapelke­tako 600 metroko frogan, ka­dete mailan. Gainera marka dotorea egin zuen: 1’33 mi­nutu eta Espainiako minimatik 2 se­gun­dora geratu zen.
Euskadiko Txapelketan kadete, jubenil eta beteranoek hartu zuten parte eta Tomax Elorza jubenila ere txukun aritu zen 800 metroko frogan. Azpitxapeldun geratu zen 2’03ko marka eginda, Espai­niako Txapelketarako minimatik oso gertu.
Urrea, zilarra... eta bron­tzea ere iritsi da Hernanira. Julen Iruretagoienak lortu zuen altuera jauzian 1,60 metroko jauzia eginda (bere marka pertsonala: 1,65 m).
Olaia Auzmendi jubenilak ere parte hartu zuen Eus­ka­diko Txapelketan, 200 m eta pisuko jaurtiketan, eta azken froga horretan bere marka nabarmen hobetu zuen.

Maitane Iruretagoiena,
laugarren
Maitane Iruretagoienak Espai­niako Txapelketan hartu du parte asteburuan  eta laugarren postua lortu du 200 me­troko frogan, absoluto mailan. Semifinaletan 24.41eko denbora egin zuen (marka pertsonala eta orduko Gipuzkoako errekor berria absoluto mailan), baina finalean ezin izan zuen denbora hobetu eta laugarren geratu zen 24.65eko denborarekin.

Roman txapeldun eta Gallego hirugarren
Joan den igandean San Hilario Las­terketa jokatu zen Miramo­nen eta bertan Sergio Roma­nek lehenengo postua lortu zuen. Eduardo Gallego hiru­ga­rren izan zen eta Ibai Alba seigarren.

Sagar Lasterra, larunbatean
Larunbatean Sagar Lasterra izango da Hernanin eta izen ematea zabalik dago. Inter­ne­ten eman daiteke www.herrikrosa.net helbidean edo honako tokietan: Donostian, Laister Kirolak eta Apalategi Kirolak; Hernanin, Axeri Kirolak eta Mitxel Kirolak; eta lasterketa egunean, Hernaniko Udal Kiroldegian.