«Gastronomia eta paradisua landuko genituela esan zidanean, zuzenean esan nion baietz Atxagari»

«ANITZA hitza erabil­tzen dugu sei hilabete hauetako programazioa aurkezterako orduan. Ez ditugu nahi adina musika estilo edo talde jorratuko, baina aukera zabala izango da. Folk-a eta beste hainbat estilo ekarri genituen azkeneko edizioan, eta oraingo honetan ere denetatik izango da: txistua, txalaparta, akordeoia, Musika Bandaren emanaldiak...» hala azaldu zuen ostegunean Her­nani´n Musik egitasmo berria Joxan Goikoetxeak, Musika Eskola­ko zuzendariak.
Aurreko edizoak arrakasta haundia izan zuela gaineratu zuen Idurre Lukas Kultura zinegotziak, eta horregatik bigarren fasea egitea erabaki dutela: «Hernanin oso ohituta gaude kaleko musika entzutera, baina kasu honetan barrukoari eman nahi izan diogu garrantzia, areto ba­rruan eskaintzen diren emanaldiei. Prop­osamen anintz eta osatuekin gatoz, eta kontzertu haundiak emango dituzten artistez gain, edizio honetan ere izango dute lekua herriko talde ezberdinek. Bigarren fase honetan, ekainera bitarte dagoen programazio guztia jasotzea izan da helburua».

Sei ekitaldi nagusi, eta beste hainbat agendan
Hernani´n Musik ekimen berriak sei ekitaldi nagusi izango ditu: Bernardo Atxa­ga eta Jabier Muguru­zaren poesia musikatua; Garikoitz Mendizabal eta Xabier Zaba­laren txistua sentimenduekin bat eginda; Hernasax sa­xofoijole eta gonbidatuen urteko kontzertua; Akordeoi Topaketaren VIIIgarren edizioa Hernanin; Hernaniko Musika Bandaren 150. urteu­rre­neko kontzertuak; eta Mu­sika Eskolak antolatzen duen 25garren Txalaparta festa.

Atxaga eta Muguruza, poesia eta musika
Ostiralean elkarrekin ariko dira, poesia eta musika munduko erreferentzia di­ren bi artista, Atxaga eta Mu­gu­ru­za, Biterin. Bernar­do Atxa­gak bere poesia eta bizitzako hain­bat pasarte kontatuko dit­u, eta  Jabier Muguruzak musika jarriko dio poesiari, «akaso abestera ere animatuko naiz», gaineratu zuen prentsaurrekoan.
Atxagak emanaldi hau Her­­nanin egin nahi zuela azal­du du behin baino gehiagotan, eta Muguruza gustura zegoen proposamenarekin: «orain arte justu kontrakoan aritu naiz lanean, eta Atxa­gak gastronomia eta paradisua landuko genituela esan zidanean, zuzenean eman nion baiezkoa».
Emanaldia 20:00etan izan­go da Biterin, eta sarrerak astelehenean jarriko dituzte salgai, Biterin baita ere.