Haritzak eta gereziondoak landatuko dituzte gaur zortzi, Zuhaitz Egunean

Datorren larunbatean, hau da, otsailaren 26an Zuhaitz Egu­na izango da Her­nanin, basoak biziberri­tzeko helburu­arekin. Aurten, 38garren urtez antolatuko da Zuhaitz Eguna; eta 25garren urtez Joxe Le­ga­rretaren omenez.
Oraingo honetan landatu­ko diren espezieak haritzak eta gereziondoak izango di­ra. Iaz, lizarrak, haltzak eta haritzak landatu zituzten. Zuhai­tzak landatzeko, Epele­rrekako Iturriandieta eremua  aukeratu dute. Aurten ere, iaz bezala, gaztetxo eta hel­duek batera landatuko dituz­te zuhaixkak.

Izen ematea zabalik
Parte hartu nahi dutenentzat izen ematea zabalik dago. Neska-mutilek ikastetxeetan eman behar dute izena otsai­laren 23a baino lehen. Heldu­ek berriz, Mendiriz Mendi elkar­tean eman behar dute izena (Iturregi plaza, z/g) astelehen, ostegun eta osti­raletan 20:00e­tatik 21:00e­tara (tel.: 943 33 27 45). Izena ema­teko azken eguna otsai­laren 25a da.

Ordu eta irteera puntu ezberdinak
Ordua eta irteera puntua ez­ber­dinak izango dira gaz­tetxo eta helduentzat. Neska-mu­ti­lak goizeko 09:00etan abiatuko dira Urbieta kaletik, Biteri ondotik eta autobusez joango dira Epeleraino, Iru­bi­de jatetxe ingururaino. Hel­du­ak berriz, goizeko 08:00e­tan abiatuko dira Gudarien plazatik, oinez.

Ibilbide motzagoa, haurrek
Gaztetxoak autobusez joango direnez, ibilbide motzagoa egingo dute. Irubidetik Epe­le­rrekara joango dira, handik Iturriandietara, han landa­keta egingo dute, ondoren Larregain baserrira joango dira eta Ereñotzun bukatuko dute hamaiketakoarekin. Hel­­­­­­­duek Epelerrekatik aurre­ra ibilbide berdina egingo dute, baina aurretik, Plazatik abiatu eta Karabel, Orkolaga baserria, Juanantonenea ba­se­­rria eta Goiko Añua base­rria pasako dituzte.
Jan beharrekoa jan eta inda­rrak berreskuratu ondoren, buel­tako autobusa 13:00 ingu­ruan aterako da Ereñotzutik.