aurreneko edizioko arrakastaren ondoren, Hernani´n Musik ekimena berriz ere martxan da. Atzo aurkeztu zuten Biterin, eta bigarren edizio honetan hernaniarrek musikarekin nahi adina asetzeko aukera izango dute. Estilo guztietako kontzertuak antolatu dituzte oraingo honetan ere, musika, instrumentu eta estilo ezberdinak uztartuko dituztenak.
Poesia eta musikarekin, paradisura
Aurreneko kontzertuan, poesia eta musikak bat egingo dute. Bernardo Atxaga euskal poeta haundia ariko da narrazio lanetan, eta doinua Jabier Muguruzak jarriko du. Muguruzak atzo prentsaurrean azaldu zuenez, gastronomia oinarri hartu eta entzulea paradisura bideratuko dute kontzertuan.
Emanaldia datorren ostiralean, hilaren 25ean izango da Biterin, eta sarrerak astelehenean jarriko dituzte salgai.
Eskaintza zabala,
ekainera arte
Mendizabal eta Zabalaren txistu emanaldia, Hernasax eta gonbidatuen Concerto Grossoa, akordeoi topaketa eta Musika Bandaren kontzertuak dira, besteak beste, ekainera bitartean ikusi eta entzuteko eskainiko dituztenak.