Rapa, rocka, DJak... eta gehiago

Hamar musika taldek Tilo­seta mugituko dute, datorren larunbatean, 19:30etatik au­rrera, Infozazpi irratiak antolatutako Musika Jaialdian. Rapak izango du leku haundiena kontzertuan, eta rocka eta disko jartzaileek azken ikutua emango diote festari.

Infozazpi irratiak egunero 2 ordu eskaintzen dizkio musikari, 22:00etatik 00:00­etara, eta larunbatean, kale kaleko estudioetatik ariko dira, jaialdi eta festa haundi baten bitartez.

Hiru musika estilo, hiru zati
Batukadak eta graffitilariek lehenengo nota-kolorea jarrita, 20:00ak aldera ekingo diote jaialdiari. Rapak jarriko du erritmoa, eta Euskal He­rriko bost talde, horren lekuko: Mak, Norte Apache, Inda­rrap, Goienetxe anaiak eta 100% Gourmet.

Rockaren indarrarekin ekingo diote bigarren zatiari, hiru taldek, 23:00ak aldera: Afu, The Sparteens eta Siroka.  

Ondoren, azken esprinerako, bi disko jartzaile ariko dira: Daddy Jeff (selektak), eta Sound Sister.

Larunbatean, musika faltarik ez da izango, beraz, Her­nanin, Infozazpiren eskutik. 

MUSIKA JAIALDIA

19:30 Hasiera

• Zaparrada Batukada
• Graffitilariak

20:00 EUSKAL RAPa

• Mak (Lapurdi)
• Norte Apache (Bizkaia)
• Indarrap (Araba)
• Goienetxe anaiak (Nafarroa)
• 100% Gourmet (Gipuzkoa)

23:00 ROCK KONTZERTUAK

• Afu
• The Sparteens
• Siroka

Ondoren - DJak

• Daddy Jeff (selektak)
• Sound Sister