patxo Telleria eta Mikel Martinez euskal aktore ezagunak Biterin izango dira gaur, euskara aitzaki hartuta, bertaratutakoen irribarra bilatzeko asmoarekin. Euskara sencilloaren manifestoa eta Lauaizetara antzezlan arrakastatsuen ondoren, Euskarazetamol antzezlana eskainiko dute gaurkoan, Dibertimenduak trilogiaren azken obra.
Gaurkoa Antzerki Zikloaren aurreneko obra izango da, eta bihar eta etzi beste biak antzeztuko dituzte. Bihar Aitziber Garmendia eta Ainhoa Garai aktoreek Baginaren bakarrizketak antzezlana eskainiko dute. Eta etzi, Historias Canallas ikusteko aukera izango da, Elio Beato, Angeles Argudo eta Josean de Migelek antzeztuta; azken hau gaztelaniaz izango da.
Antzelan guztiak Biterin izango dira, arratsaldeko 20:00etan. Sarrerak joan den astetik daude salgai.
EUSKARAZETAMOL
´Dibertumenduak` trilogiaren azken lana da Euskarazetamol. ´Euskara sencilloaren manifestoa` eta ´Lauazietara` lanen ondoren, Patxo Telleriak eta Mikel Martinezek aurkezten diguten lana da. Hizkuntzarekin ´jarrita` daudenak zer egiteko gai diren ikusi daiteke. Oraingoan ere brometarako motiboa eta antzerkirako tresna ´euskara` bera izango dela dirudi...
BAJINAREN BAKARRIZKETAK
´Bajinaren bakarrizketak` elkarrizketa batzuen emaitza da. Adin, arraza, maila kultural eta sozial ezberdinetatik datozen 200 emakume baino gehiagori egin zieten elkarrizketa. Obraren helburua da emakumeak libre uztea euren sexualitearekin sentitu eta sentitzen duten kulpa eta lotsatik.
HISTORIAS CANALLAS
Komedia kritikoa eta garratza poesiarekin uztartzen da. Bere pertsonaiek barretik negarrera pasaraziko digute, eta malkoetatik berriro erre irrifarrera. Joan-etorriko istorioa da, gure bizitzako hainbat pasarte jorratzen dituena: maitasuna eta horren falta, garaipena eta porrota, jaiotza eta heriotza...