Musikaz gozatu eta ikasteko aukera gaur, Musika Bandaren kontzertu pedagogikoan

Non sortu zen guaracha? Zein da tango eta habaneraren arteko harremana? Eta samba eta rumbarena? Ba al zenekien Hernaniko Bandan güiroa jotzen dela? Eta ezagutzen den lehenengo tango partitura Mendizabal delako batek idatzi zuela? Galdera horiek eta beste batzuk erantzuten saiatuko dira Musika Bandako kideak, gaur antolatu duten kontzertu pedagogikoan.
Banda dantzan! izena du emanaldiak eta Roberto Pa­cheko Bandako kideak zuzendu eta aurkeztuko du. Musi­kaz gozatu eta ikasteko aukera paregabea izango da arra­tsaldeko 19:30etatik au­rre­ra Biterin. Bandaren 150garren urteurrenaren barruan antolatu dute kontzertua.

7 abesti, hemengo eta
kanpoko erritmoetara
Ez ziren gutxi izan Her­na­niko Musika Bandari esker eskualdeko hainbat gaztek Tilosetan dantzan pasatako arratsaldeak. Eta emanaldi honetan, garai haiek ekarriko dituzte gogora erritmo haien inguruan bidaiatuz. He­men­go eta kanpoko erritmoak joko dituzte, hala nola, zortzikoa, fandangoa, arin-arina, tangoa, guaracha, beguine, danzon, pasodoblea, cha-cha-cha... Guz­tira 7 abesti eskainiko dituzte emanaldian.

EGITARAUA:
1.- ‘El Caserio’                                                                 Jesus Guridi
2.- ‘Islas Canarias’                                               José María Tárridas
3.- ‘Danzón nº 2’                                                        Arturo Marquez
4.- ‘Mi Buenos Aires Querido’                                         Carlos Gardel
5.- ‘Concierto Caribeño’                                                       Kees Vlak
6.- ‘Perfidia’                                                          Alberto Dominguez
7.- ‘El cumbanchero’                                               Rafael Hernandez