ereñotzuko Olak auzo elkartea bide onetik doa hautagai zerrendaren prestaketan, hala azaldu dute Kronikara bidalitako prentsa oharrean. Maiatzean izango dira Auzo Udala osatzeko hauteskundeak eta joan den igandean hautagaien zerrenda osatzeko bozkatu zuten auzotarrek: hamabi izen bozkatuenekin hasiera bateko zerrenda bat egin zuten. Hamabitik bosterako prozesuan arazorik ez dutela izan adierazi du Auzo Elkarteak, eta dagoeneko erabaki dutela zein izango den boskotea: «adostasunik izan ez balitz, aurreikusita zegoen hurrengo igandean bigarren itzuli bat egitea. Baina bozkatuenen taldea hasi da lanean, eta jada erabakita dauka auzo elkartearen izenean aurkeztuko den boskotea».
Laister batzarra deituko du
Hautagai zerrenda zein izango den, eta lanaren funtzionamendua nondik norakoa izango den azaltzeko, laister batzarrerako deia egingo du auzo elkarteak. Jakinarazi dutenez, bitartean, laguntzeko prest dagoen edonori taldera ingururatzeko gonbidapena luzatu diote.