Santa Agedaren alabantzak gogoz kantatu dira aurten ere, Hernanin

Santa Ageda bezperan santeskean ateratzeko ohitura zaharrari gogoz eutsi zaio aurten ere Hernanin. Arra­tsaldetik aurrera, herriko hainbat talde atera ziren ostiralean, makila eskutan, Santa Agedaren alabantzak abestutzera. Kaxkoan, Goiz Eguz­ki Abesbatza izan zen lehenengoa erakusten Hernanin eztarri sano ugari daudela. Ohitura Zaharrak Abes­ba­tzak ere ez zion urteroko zitari hutsik egin eta Mi­lagro­satik abiatu eta Kax­koan barrena ibili ziren txistulari eta bertsolariez la­gunduta. Hirugarren Abes­batza bat ere ibili zen aterik ate oles egiten: Kantuz Abes­batza, hain zuzen. Hiru abesbatzek, Kaxkora ez ezik Zaha­rren Egoitzara ere eraman zituzten Santa Agedako doinuak. Eta Kax­kotik kanpora, Ereñotzun ere ibili ziren etxez etxe eta baserriz baserri santeskean.