Kaldererotako entsaio nagusia gaur, larunbatean dena prest izateko

Kriseilu, lapiko, pertzak, burruntzali eta eltzeak konpontzeko prest izango dira kaldereroak larunbatean, eta dena behar bezala atera dadin, gaur entsaio nagusia egingo dute. Entsaioa Herna­niko Musika Bandarekin izango da, arratsaldeko 20:15e­tan Milagrosan.

Konpartsaren irteera, berriz, gaueko 21:00etan izango da larunbatean. Elur Txori elkartetik aterako dira jantzi, zapi eta koilare do­toreak gainean, zartain, mailu eta panderoak eskutan, inauteriak iragartzera. Musika Banda­ren laguntzarekin kale buelta egin ondoren, Guda­rien pla­zan kanpa­men­dua jarriko dute. Ibilbidea honakoa izango da: Elur Txori elkartetik aterako dira, El­kano kalean barrena, Larra­mendi kalera joango dira, bertan buelta egin eta Plazan sartuko dira Portalez kanpotik. Ondoren Kardaberaz kaletik jaitsi eta Kale Nagusitik igoko dira berriz Plazara.

Aurtengoa, berezia
Larunbatean, 50garren urtez aterako dira kaldereroak Hernaniko kaleetan barrena, Elur Txori elkartearen eskutik, eta aurtengo konpartsa berezia izango da. Besteak beste, Musika Bandarekin aterako da, Bandaren 150ga­rren urteurrena dela ere kontuan izanda.

Horrez gain, urteurrena dela eta, argazki erakusketa jarri dute Biterin eta liburua eta DVDa argitaratu dituzte 50 urte hauetan ateratako argazkiekin. Erakusketa la­run­batera arte izango da ikusgai 18:00etatik 20:00etara eta liburua eta DVDa 10 euroan jarri dituzte salgai, Oindi ta­ber­nan eta Peña okindegian eta Miguel Lujanbiok ere baditu.

Liburu eta DVDaren azalean ikusi daitezke 1961eko erregina eta damaren argazkia eta egungoen argazkia. Liburuaren barruan 50 urte haue­t­ako historia kontatzen da, pertsonaiak, argazkiak eta abestien letrekin batera. DVDa lau kapituluz osa­tua dago. Aurreneko bietan liburuko hainbat testu agertzen dira: lehe­nen­goa euskeraz, eta bi­ga­rrena gazteleraz. Hiruga­rren kapituluan 50 urte hau­e­t­ako 148 argazki daude ikusgai. Argazki bakoitzean azaltzen da zein urtetakoa den eta zein diren bertan agertzen direnak. Eta laugarren kapituluan, abesti guztiak ageri dira, bai ida­tziz eta baita abestuta ere. Le­trak eskuratu nahi ditue­nak kronika.net web orrian ere eskuragarri daude.