Hiru zita izango dira aste honetan Hernanin, solidaritatearekin. Gaur, bi hernaniarrek hitzaldia emango dute, Guatemalan boluntario ibili diren egunei buruz. Yera Aranok 7 hilabete egin ditu Ixcán-en, Quiché departamenduan, eta hango esperientziak kontatuko ditu. Esteban Mateosek Jocotán herrian egin du hilabete, Chiquimulako departamenduan; hango berri emango du Mateosek ere. 19:00etan, Biteri kultur etxean.
Palestinari laguntza emateko bilera deitu dute bihar, 19:30etan Biterin. Rumbo a Gaza barkuak babesa eman nahi dio Palestinari, eta hari nola lagundu hitz egingo dute, gaurko bileran.
Txileko irrati komunitarioei buruz ariko dira ostegunean, 19:30etan Biterin. Maria Pia Matta AMARCeko presidentea eta Mariano Sánchez AMARCeko Europako presidentea ariko dira.