AMHERek eta Udalak lankidetza hitzarmena sinatu dute

AMHER elkarteak eta Uda­lak 2007an sinatu zuten au­rreneko lankidetza hitzarmena. Ordutik hona, bi urtetik be­hin luzatu dute; azkena az­teazkenean, Udaleko Pleno Aretoan.

Hitzarmena sinatuta, AMHER elkarteak Udalaren laguntza jasotzen jarraituko du, bai finantziazioan, eta baita hainbat ekintza antola­tzeko orduan ere. Bere aldetik, AMHERek etorkinen alde lanean jarraitzeko konpromisoa hartu du. Orain arte bezala, aholkularitza juridiko eta soziala ematen jarraituko du, besteak beste honakoetan: administrazio egoera irregularretan, en­pleguan, etxebizitzan, gizarte arrazismoan eta abarrean. Horrez gain, aniztasunaren inguruko gaiak lantzen segiko du AMHERek, eta  herritarrei zuzendutako ekintza kulturalak antola­tzen ere jarraituko du. Sen­tsi­bi­lizazio kanpaina ezberdinak ere antolatuko ditu elkarteak, eta ekintza ezberdinak antolatuta, beste herrietako kultura ere gerturatuko du Her­nanira. Azkenik, hitzarmen hau sinatuta, ildo horretan jarraitzera konprometitzen da elkartea, eta horrez gain, ekintza eremua zabalatzea ere aurreikusten du.

Hau guztiaz gain, klausula batzuk ere jarri dituzte hi­tzarmenean besteak beste, ondorengoak: AMHERek orainarteko lokala mantenduko du; 08:00etatik 22:00ak arteko ordutegia izango du; eta herritarrei zuzendutako mezuetan euskara lehenetsiko du.