Sorgintxuloko urbanizazioa, inbertsio nagusia

Zaharren Egoitzako edifizio berria martxan jarriko du Udalak 2011n. Gobernu Tal­deak presentatu dituen au­rre­kontuetan horri eman nahi izan diote garrantziarik haun­diena. Inbertsio nagusia be­rriz, Sorgintxuloko urbanizazioa izango da. Marielutse­tik Sorgintxulora bitartean saneamendu obrak egingo dituzte, eta oinezko bidea konpondu.
2011ko Udal Aurrekontua joan den astelehenean onartu zuen Plenoak, Alkatearen ka­li­tatezko botuarekin. Bota­zioan, Gobernu Taldeak alde bozkatu zuen, Ezker Batua abstenitu egin zen, eta gainerako alderdiek (PSE-EE, EAJ, H1!, eta PP) aurka bozkatu zuten. Enpatea izan zen be­raz, botazioan, eta bigarren bo­tazioa egin zuten. Emaitza errepikatu egin zen, eta Al­kateak kalitatezko botua erabili zuen, aurrekontua onartzeko.

Gastuak murriztu, zerbitzu sozialak murriztu gabe
Gobernu Taldeak egindako ba­lorazio orokorrak dioenez, aurtengo aurrekontua krisiak baldintzatu du, beste urte ba­tez. Horregatik, funtziona­men­du gastuak jai­tsi egin ditu Udalak. Zerbitzu sozialak mantendu egingo dira, Go­bernu Taldearen esanetan, premiazko irizpide bezala jo dutelako aurten. Dena dela, funtzionamendu gastuak mu­rriztu arren, aurrekontua igo egingo da, eta bi arrazoi nagusi aipatu dituzte: BEZa %18 izango da urte osoan, eta KPIa %2,9koa izango da.

Zaharren Egoitza prioritate
Gobernu Taldeak prioritate gisa jo du aurten Zaharren Egoitza. Horregatik, edifizio berria ireki egingo dute, 12 apartamendu tutelatuak mar­txan jarriko dituzte, eta Egu­neko Zentruak 6 plaza gehiago izango ditu. Jakinekoa da, Zaharren Egoitzako edifizio berria martxan jartzea berez, Gipuzkoako Diputazioari da­gokiola. Hala ere, Udalak asumituko ditu edifizioa martxan jartzeko gastuak, Diputazioak oraingoz ez duelako asmorik azaldu horretarako. Jakinekoa da, baita ere, edifizio berria izanagatik, plaza kopurua ez dela igoko Zaharren Egoitzan, eta beraz, 111 plaza izaten jarraituko du.
Plaza kopurua haundituko duena, Eguneko Zentrua da. 6 plaza gehiago izango ditu Eguneko Zentruak, eta beraz, guztira 49 lagunentzako lekua izango du.
Apartamendu tutelatuak ere atondu eta martxan jarri nahi ditu Udalak. 12 apartamendu dira guztira.

Inbertsio nagusia, Sorgintxulo
Inbertsioetarako, 996.042 euro izango dira aurten. Horietatik, 150.000 euro Sorgintxulora bideratuko dira. Sorgintxulo eta Marieluts bitartean obrak egiten ari dira azken urteetan. Tarte horretan saneamendua berritu beharra dago, eta oinezko bidea ere txukuntzeko dago. Obrak bukatzen direnean, beraz, bi lan horiek egingo ditu Udalak.

Urte guztiko ‘nobedadeak’, Atez Atekoa eta Ereñotzuko Auzo Udala  
Atez Atekoa urte guztian izango da aurten Hernanin. 1.823.597 euroko gastua izango du Hernanik hondakinen kudeaketan, 2011n, eta hori da Gobernu Taldearen beste prioritateetako bat.
Ereñotzuko Auzo Udalak ere aurten ekingo dio bere bideari. Maiatzeko hauteskundeen ondoren izango da mar­txan, seguruenera, eta horretara Udalak diru kopuru jakin bat bideratuko du, aldatu egin litekeena, segun eta martxan noiz jartzen den. Berez, aurrekontu osoaren arabera, 316.263 euro dagozkio Auzo Udalari, baina urte erditik aurrera izango denez martxan, gutxiago tokatuko zaio.

Kirol patronatua, kirol sail  
2010ean desegin egin zuen Udalak Kirol Patronatua, eta beraz, Udalaren azpisail izatera pasako da. Hemendik aurrera, Zerbitzu Publikoen barruan egongo da, eta 2.128.954 euro izango ditu.
12 emendakin aurrekontuari
Aurrekontuari 12 emendakin egin dizkiote oposizioko al­der­diek. Zuzenketa osoa aurkeztu dute EAJk, PSE-EEk, Hamaikabatek, eta PPk. Gai­ne­rakoak emendakin partzialak edo puntualak izan dira.
Atez Ateko hondakin bilketak jaso ditu aipamen ge­hien. Oposizioko alderdien esa­netan, Gobernu Talde honen kapritxo bat izan delako.
EAJren iritziz, hondakinak kudeatzeko 1.400.000 nahikoak lituzke Udalak, Atez Atekoa kendu, eta bilketa 5 edo 6 kontenedorerekin eginda. H1! al­derdiak adierazi duenez, Atez Ate­koak 898.000 euroko defizita eragingo du, eta zerbitzu horren defizita %200 igoko da.
Horrez gain, diru kopuru haundia aurreztu zitekeela adierazi dute oposiziotik, ho­na­ko partidetan: gastu juridikoetan 58.000 euro; aholkularietan 216.900 euro; Sorgin­txu­loko urbanizazioan 135.000 eu­­ro... PPk proposatu du Nafa­rroa­ko zenbait elkarteri eta Ipa­rraldeko zenbaiti ematen zaizkien diru laguntzak kentzea.
Kirolari inongo garrantziarik ez ematea ere egotzi diote Gobernu Taldeari, eta Koo­peraziotik ematen den diru laguntzaren %25 Angel Ola­ra­ni ematea ere proposatu dute.  

«Ardura falta, gezurrak eta aportazio gutxi»
Marian Beitialarrangoitiak ho­rrela definitu zituen oposizioaren emendakinak, asteleheneko Plenoan. Aholkulari­rik ga­be Gobernatu behar al duen Uda­lak adierazi zuen Alka­teak. Sor­gintxuloko urbanizazioa egitea Udalari dagokiola adierazi zuen, eta saneamendua egitekotan, diru kopuru hori gastatu beharra dagoela. Kooperazio­ra­ko ema­ten den diru-laguntza Kooperazio Tal­deak erabaki­tzen duela, eta An­gel Olaranek bezala, beste askok ere merezi dutela diru-laguntza.
Atez Ateko sistema ez dela beste sistema baino askoz garestiagoa adierazi zuen Unai Erroizenea zinegotziak. 4 edukiontzirekin egingo balitz bilketa 1.491.778 euro beharko liratekeela adierazi zuen, eta horri 5garren edukiontzia erantsiz gero, aldea ez litzatekeela horrenbestekoa.

Aurrekontua
datu batzuk:
Aurrekontua:
29.579.280
Ongintza + Udala
7.686.155 + 21.893.125

Pertsonala:           11.348.295
Ondasun arrunt
eta zerbitzuak:          13.726.212
Finantza gastuak:                 70.389
Trasferentzia arruntak:   1.930.701
Inbertsio errealak:          996.042
Kapital trasferentziak:        57.921
Finantza Aktiboak:                   8
Finantza Pasiboak:        1.449.712

INBERTSIOAK            996.042
Ongintza                  200.000
Sorgintxulo urbanizazioa   150.000
Atez Atekoa              100.000
Larrialdi-bidea txukundu      100.000
Ur-tuberia Elkano,
Izpizua eta Sandiusterri     72.000
Liburutegia-Erosketak        45.300
Hilerria-makinaria                 38.000
Ikastetxeetako larrialdi
argiteria eguneratu            33.500
Kiroldegia-larrialdi irteera   22.500
Espaloietan ez irristatzeko
tratamendua                 18.000
Herri bideak                 15.000
Igerileku irekietako
taberna egokitu                15.000
...
SAILAK EDO BATZORDEAK
Zerbitzu orokorrak            1.732.385
Ondarea-Kontratazioa      246.186
Pertsonala             2.111.973
Ogasun eta ondarea     4.623.272
Hirigintza/ingurumena      705.301
Zerbitzu publikoak            7.075.835
Hezkuntza            2.767.665
Euskera                  977.669
Kultura                1.439.000
Politika Soziala              492.195
Hernani 2020                76.000
Parte Hartzea                10.000
Kirolak                2.128.954

Anaitasuna, Italiako herri batekin
ERROMAKO 10garren Distritua, herri bat da, Erromako 20 herrietako bat. Hernanik anaitasun edo senidetze harremana izango du distritu horrekin (hermanamiento), he­mendik aurrera,  asteleheneko Plenoak hala erabakita. Ez da akordio ekonomikoa, akordio edo anaitasun hau egiteko arrazoiak batez ere kulturalak edo sozialak dira.
Batez ere, 9 gai, errealitate edo arlo landu nahi dituzte Erromako X. Distrituarekin.
1-Mundu Gerra. Bi herrietan oso presente dago Bigarren Mundu Gerra eta ekitaldiak egiten dira batean eta bestean. Gai hori lantzea interesgarria iruditu zaio Udalari.
2-Ikastetxeak. DBH, Batxi­ler­go eta Lanbide Heziketan ha­rremanak trukatu.
3-Musika. Hernaniko ikasleek hainbat bidaia egin dituzte Erromara: Musika Eskola, Kantuz abesbatza...
4-Berdintasuna. Gai hori asko lantzen dute herri horretan.
5-Gazteak. Gazteen arteko harremanak landu nahi dira.
6-Partehartzea. Gai hori asko ari dira lantzen lurralde horretan.
7-Kirola. Garai batean bezala, harremanak sortu nahi dira Hernani eta Erromako taldeen artean.
8-Kultura. Kulturak sekulako garrantzia du X. Distrituan.
9-Turismoa. Ondare kulturalari lotuta, Erromako turismo-kulturak asko erakutsi dezake.
 
DATU BATZUK:
Sandro Medici idazle ezaguna da bertako Alkate. 3.868,03 hektarea, 179.298 biztanle. Cinecittà zine estudio famatua bertan dago. Erromako bigarren aireportua du, merkataritza azpiegitura haundia, Capanelleko hipodromoa, eta Ondare izugarria.