Grebak jarraipen zabala Hernanin

Greba Orokorra deitu zu­ten atzo Hego Euskal He­rri­ko bost sindikatuk, ELA, LAB, STEE/EILAS, EHNE eta HIRUk, Espainiako Go­ber­­nuak onartu nahi duen pen­tsio erreformaren aurka.
Grebak jarraipen zabala  izan zuen Hernanin. Erdigu­nean komertzio txiki eta ta­berna guztiak itxi zituzten goizeko aurreneko ordutik. Era­kunde publikoek ere bat egin zuten grebarekin, eta Uda­le­txe, Liburutegi eta Kiroldegiak ez zituzten ateak zabaldu. An­bu­latorioan zerbitzu minimoetan aritu ziren lanean. Eta baita autobus zerbitzuak ere: bai urdina eta bai gorria zerbitzu minimoetan aritu ziren. He­rriko en­pre­sa haundi gehienek bat egin zuten Greba­rekin: Gu­reola, Ubis, AMR, Arkema, Ferronia, Loire eta Arcelor Mittalek. Enpresa haundi zein txiki ba­tzu­tan izan zen mugimendua, horien artean, Ziku­ñagako Papeleran eta Elec­troquímica de Hernanin.

Sindikatuek balorazio ona,  gobernuak kaxkarra
Greba deialdia egin duten sindikatuek adierazi zutenez, Gi­puzkoan %80k egin zuten greba, eta Bizkaian, Araban eta Nafarroan ere dezenteko ja­rrai­pena izan zuen. Eusko Jaurlaritzak kaxkartzat jo zuen greba, eta ka­surik onenetan %30 inguruk egin zuela adierazi zuten, Gipuzkoan adibidez.
Pentsioen erreforma asteazkenean hitzartu zuten Es­painiako Gobernuak, CCOO­ek eta UGTk eta gaur dute onartzekoa.