Diego Barrio nagusi aurreneko frogan, munduko txapeldunaren aurretik

Gipuzkoako Txapel­keta­ko aurreneko froga jokatu zen igandean Fagollagan, eta bertan Diego Barriok lortu zuen emaitzarik onena, Su­per­­class mailan. 6 puntu ditu, hau da, hanka lurrean 6 alditan bakarrik jarri zuen. Biga­rren postua Raul Gutie­rre­­zek lortu zuen, 8 punturekin. Benito Ros, munduko txa­pelduna, lehenengo mailan, eta Ion Areitio bigarren mailan, atzetik geratu ziren, hirugarren eta laugarren pos­tuan, 11 eta 13 punturekin. Denera 50 lagunek hartu zuten parte, bost mailatan banatuta. Maila bakoitzeko irabazleak honakoak izan ziren: juniorretan, Iker Gonzalez 19 punturekin; infantiletan, Ser­gio Fernan­dez 33 punturekin; alebinetan, Borja Cone­jos -25 punturekin; eta benjaminetan, Hai­mar Etxeberria 0 punturekin. Hurrengo froga otsailaren 6an izango da Pasai Donibanen, Arro­kandietan.