Pentsio erreformaren aurka, Greba Orokorra bihar, bost sindikatuk deituta

Ela, lab, stee/eilas, ehne eta hiru sindikatuek Gre­ba Orokorra deitu dute bihar, Espainiako Gobernuak egin nahi duen pentsio erreformaren aurka. Erreforma horren aurrean honakoa azaldu dute sindikatuek: «Erretiro adina 67 urtetara luzatu nahi dute. Pen­tsioa izateko beharrezkoak di­ren kotizazio urteak haundituko dituzte eta lan mer­­­­­­katu prekario honetan, zatikako jardunaldiekin, aldi baterako enpleguekin eta ka­le gorrira botatzeko erraztasun guztiekin, praktikan ezinezkoa izango da eskatzen di­tuz­ten urte guztiak bete­tzea. Hor­taz, gero eta jende gehiago pen­tsio eskubiderik gabe geldituko da. Horrez gain, arautzeko oinarria kalkulatzeko urte gehia­go hartuko dituzte kontuan. Orain 15 urte har­tzen ba­dira kontuan, baliteke 20 edo 25 har­­tzea hemendik aurre­ra. Ho­nek gure pentsioak %20 edo gehia­go murriztuko lituzke. Mo­­du horretan, pen­tsioen %100era iristeko, 38 edo 40 urte kotizaturik izatea nahi dute. Hala, pentsioek erosteko ahalmenari eusteko betebeharra kenduko dute».

Mobilizazioak gaur eta bihar
Hernaniko LABek jakinarazi due­­nez, honako mobilizazioak izan­go dira gaur eta bihar: gaur, ko­txekarabana 10:00e­tan, Kara­bel­go gasolindegitik. Bihar: 05:00e­­tan Zin­koenean; 11:30e­tan Atse­gin­­degin, Anoe­tako zuta­be­ra joateko kotxekarabanan, hau da, Do­nos­tiako manifestaziora; eta 18:00e­tan Gudarien plazan, eskualdeko manifestaziorako.

Udaletxean, greba
Hernaniko Udalak jakinarazi duenez, ostiralean egin zuten boz­keta eta greba egingo du­te bihar. Autobusetan, gaur zehaz­­tuko dute nola eragingo duen grebak. Informazioa ikus­teko moduan jarriko dute eta beraien web orrietan ere bai.

Ezker Abertzaleak bat egin eta Eguzkik itzalaldia deitu
Hernaniko Ezker Abertza­leak bat egin du biharko greba deialdiarekin. Eguzki talde ekologistak ere bat egin du grebarekin, eta, bide batez, egun horretan 19:00eta­tik 19:30etara argiak itzaltzera dei egin du.