hamabost puntu izango dituzte gaur aztergai Plenoan. Udaleko Areto Nagusian egingo dute, 18:30etan. Aztertuko dituzten puntuen artean, besteak beste, aipagarrienak ondorengoak dira: 2011ko aurrekontuak; hildakoei agurrak eta omenaldi zibilak egiteko ordenantza; taxi zerbitzuen ordenantza; Garbitaniari kapital soziala zabaltzeko proposamena; eta Arau Subsidiarioen barruan, Floridako hirigintza hitzarmenari behin betiko onarpena ematea.
127 etxebizitzetatik,
66 Babes Ofizialekoak
Gaurko Plenoko puntu bat izango da Udalak Etolur elkartearekin egindako hitzarmena. 2006an sinatu zuten Udalak, Etolur (Foru Aldundiaren elkarte publikoak) eta AMR Refrectarios enpresak. Hitzarmenaren bidez, AMR Ibaiondo ingurura eraman zuten, eta ordura arte Florida auzoko enpresaren partzela izandakoan etxebizitzak eraikitzea adostu zuten.
Udalak adierazi duenez, sorturiko arazoak konpondu dituzte, eta lortutako onurak, besteak beste, ondorengoak izango dira: Babes Ofizialeko 15 etxebitzia udalari emango dizkio, eta honek alokairuan jarriko ditu; Landare Tokiko kirol gunea Udalaren jabetzara pasako da; Etolurrek Florida inguruan eraikiko dituen Babes Ofizialeko 51 etxebizitza eta tasatutako 61 etxebizitza Hernanin bizi direnen esku geratuko dira; Florida kalean urbanizazio lanak egingo dira; zuhaitzez beteko den pasealekuaren ondoan 2.500m2ko plaza egingo da, auzoko erreferentzi bihurtuko dena; trenbide azpiko pasabidea eraikitzeko ekarpen ekonomikoa egingo du Etolurrek; eta Etolurrek Udalarekin dituen zorrak kitatuko ditu.