Transgenikoak eragiten duten «kalteei» buruz ariko dira gaur, 19:30etan, Kontrakantxa Gaztetxean. Hernaniko AHTaren Aurkako Talde-ak antolatu du Transgenikoak: laborategiak heriotza ereiten hitzaldia, eta Buter-ek emango ditu azalpenak genetikoki modifikatutako organismoen arazoei, ondorioei eta arduradunei buruz.
«Arrisku bat dira»
Hitzaldia antolatu dutenek azaldu dutenez, transgenikoak ezkutuko arrisku bat dira eta munduko izaki guztien eboluzio naturalean kalte kontaezinak ari dira eragiten: «bioinperialismoa inperialismo mundialaren beste adar bat da, eta gizadia harrapatu eta erahiltzen du. Hezkuntza eta antolakuntza herrikoiak garatzeko ezinbesteko beharrean aurkitu gara».
Antolatzaileek dei egin diete herritarrei hitzaldira hurbiltzeko, azalpenak entzutera.