Transgenikoek eragiten duten «kalteei» buruz arituko dira ostegunean, Gaztetxean

Transgenikoei buruzko hitzaldia izango da ostegunean 19:30etan, Hernaniko Kon­trakantxa Gaztetxean. Hitzal­dia Hernaniko AHTren aur­ka­ko taldeak antolatu du, Trans­genikoak: laborategiak he­rio­tza ereiten izen­burupean eta Buter-ek eman­go ditu azalpenak. Ge­netikoki Modifikatu­ta­ko Or­ga­­nismoen arazoei, ondorioei eta arduradunei bu­­ruz arituko da.

Ezkutuko arrisku bat
Antolatzaileek azaldu du­te­nez, transgenikoak ezkutuko arrisku bat dira eta munduko herriak inbaditzen ari dira. «Munduko izaki guztien eboluzio prozesu naturalean kalte kontaezinak eragiten ari den inbasioa da. In­pe­rialismo mundialaren bes­te adarretako bat den Bioin­pe­rialismoak, bere etapa neo­liberalean, gizadia harrapatu eta erahiltzen du. Tir­a­nia­ren aurka hezkuntza eta an­tolakuntza herrikoiak ga­ra­­tzeko ezinbesteko beharrean aurkitzen gara». Gaiaren inguruan eztabaida interesgarria sortzea espero dute eta herritarrei hitzaldira animatzeko gonbitea luzatu die­te.