Hernaniko Txotx Denboraldia datorren igandean hasiko da Txotx Egunarekin. Aurten, lehenengo sagardo tragoa egiteko aukeratuak, Maialen Lujanbio eta Bertso Eskola izan dira. Kupelaren irekiera eta ekitaldi nagusia 12:00etan izango dira. Behin, Lujanbiok eta Bertso Eskolako kideek tragoa hartuta, Plazara hurbiltzen diren guztiek izango dute aurtengo sagardoa probatzeko aukera.
Eta festa eguna girotzeko ez dira faltako trikitilariak, txalapartariak, Incansables Txaranga eta herri kirolak. Idoia Etxeberria harri-jasotzaileak eta Fausto Mugerza aizkolariak emango dute erakustaldia.
Egitaraua:
11:00-11:45: Trikitilariak.
12:00: Ekitaldi nagusia, Maialen Lujanbio eta Bertso Eskolarekin.
12:00: Txalapartariak.
11:45-14:00: Incansables Txaranga kaleetan barrena.
13:00: Herri kirolak: Idoia Etxeberria harri-jasotzailea eta Fausto Mugerza aizkolaria, 2,40m zabalerako enborrarekin.