Hogeita bat urte bete zituen urtarrilaren 10ean Hernaniko Jokulari Anonimoen taldeak. 1990an sortu zuten Alkoholiko Anonimoetako taldean parte hartzen zuten bi pertsonek. Euskal Herriko aurrenekoa izan zen, eta Estatu Espainiarreko laugarrena. Hasierako urtean bertan hasi zen inguruko herritako jendea taldearekin bat egiten: Donostiatik, Astigarragatik, Irundik eta Gipuzkoako beste hainbat herritatik etortzen ziren. Aurreneko urte hartan izan zen asistentzia baxuena: urte guztian zehar 153 lagun izan ziren taldean, horietatik 110 gizonezkoak eta 43 emakumezkoak.
Bigarren urtean taldekide kopurua bikoiztu egin zen, eta urteak pasa ahala joera bera izan da. Hazkunde haundiena 1999garren urtekoa izan zen. 1998an 699 pertsona ibili ziren urte osoan zehar taldean, eta urtebete beranduago 1.078 ziren.
Sexuari dagokionez, alde nabarmenarekin, gizonezko gehiago hurbiltzen dira taldera. Hogeita bat urte hauetan 12.926 gizon pasa dira; emakumeak 2.165 izan dira.